اللي انكسر عمره مايتصلح ....

استعرض الموضوع السابق استعرض الموضوع التالي اذهب الى الأسفل

اللي انكسر عمره مايتصلح ....

مُساهمة من طرف ???? في الأربعاء أكتوبر 19, 2011 12:38 am

( اللي انكسر ما يتصلح )

كثيرا ما نردد هــذه الجملة وإن كنت اجـهل أصلــها إن
كانت حكــمة او مثـل او قول مــأثور، ولكننا نسمـــعها
وصف العلاقة التي انقطعت وارادوا اعادتـها كـما كانـت
فاختلاف الرأي والفكر يسبب عدم توافق بين مجموعة
من اللذي يجهــلون ان اختــلاف الاراء المفــروض ان لا
يفسد في الود قضيه، ولكن ما يحدث حاليا مغاير تماما
للفرضيات ..



فكثيرا ما نرى اصدقاء - بسبب من الاسباب - انقطعـت
علاقتهم .. وحينها يجوب في البال المقولة الشهيرة ..
" اللي انكسر عمره ما يتصلح "



والذي دفعني لكتابة هذا الموضوع هو احساس الكثيرين
ولعلني منهم بمطابقتها عليــهم .. فمهما كانت العــلاقات
قويه إلا انها لن تكون كما كانت بالسابق.. ولا تعود الميـاه
لمجاريها .. وإن حاولوا ذلك .. فأدنى موقــف اخــر بينهــم
سيستحظر الماضي امامه .. فتكبر الفوة ويزيد الاقتــناع
بهذه المقوله ..


وانا ارى ان نقاء النفوس وصفائـها إن وصــلت للمستــوى
إلا انها صعب ما تمحي غدر او خيانه او ردة الفعل المحزنة
ولكنها جديرة بان نتحاور فيها .. ،’


اتمنى ان ارى وجهات النظر حول هذا الموضوع ..

_ هل تؤمنون بهذه المقوله ( اللي انكسر عمره ما يتصلح) ؟
_ هل حقا التسامح والصفح والغفران كفيل بأن يعيد الزجاج المكسور كما كان؟
_ هل انت من النوع الذي يستطيع تجاهل انكسار الزجاج؟


" دمتم بحفظ الله "

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف abu.alsho0osh في الأربعاء أكتوبر 19, 2011 4:22 am

اختي الغاليه .. نظراً لحالتي العقليه الحاليه لا استطيع انا اقول كل ما بداخلي .. ولكن ب اختصااار --> اللي انكسر عمره ما يتصلح

لي عوده ..
تقبلي مروري ..
دمتي ..
avatar
abu.alsho0osh

عدد المساهمات : 524
تاريخ التسجيل : 14/09/2010
الموقع : fe 3eshg al5yaal

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف راقص القبور في الأربعاء أكتوبر 19, 2011 4:29 am

اشكرج قلب عالموضوع اللي بوقته صراحه
جوابي بسيط
مسكي قلاص و عبيه ماي و طيحيه من ايدج طبيعي القلاص بينكسر اللي ابيه منج جمعي كل كسره زجاج و رديها مكانها و جمعي كل قطرة ماي طاحت للقلاص اذا رد كل شي مكانه اطلع ما افهم شي
ممكن نسامح بعدد فرص لا منتهي لكن يبقا اللي بالقلب بالقلب
يقدرون يستردون كل شي الا المشاعر اذا تبدلت مستحيل يستردونها
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف Admin في الأربعاء أكتوبر 19, 2011 3:59 pm

شكرا على الموضوع

أولا الله سبحانه واللي هو أكبر مني ومن كل البشر والكائنات ينسى ويغفر ويسامح وينسى اللي ما عمل بالدين الاسلامي ويدخله الجنه ومثال على ذلك قصة عمر بن ثابت بن وقش وقصة من قصص الرسول قال صلى الله عليه وسلم :« غُفِرَ لِامْرَأَةٍ مُومِسَةٍ» : يعني زانية . ودخلت الجنة للحين أقول لكم لا تقولون اللي انكسر ما يتصلح ولا تعطون مثال الجماد للانسان لا يوجد تكافأ لأن الله خلقنا نحن البشر ذو العقل والقلب ونعمة النسيان سبحانك ربي ما أحكمك سبحانك ربي ما أرحمك سبحانك ربي ما أعدلك


هذا المثل خطأ فهناك أشياء تكسر لتعود أجمل مما كانت عليه وأروع حتى الأحلام والأمنيات

الانسان مهما يكون لازم يصفي النيه ويخلي قلبه ابيض الله سبحانه وتعالى يسامح فليش احنا نكابر ونقول اللي انكسر عمره مايتصلح

أنا شخصيا أعارضها في مجال العلاقات مع الأخرين الأصدقاء والمقربين هناك أمور تقوم على الثقة المتبادلة وممكن أن تنكسر هذه الثقة نتيجة جهل أوتعمد واذا حصل اعتذار لابد أن يكون هناك مسامحة
وهناك علاقات قوية جدا وغالبا بين الازواج والاخوان والاهل لو انكسرت لابد من انا نسامحهم ونداوي جراحنا ومع مرور الايام والسنين الزمن كفيل بأن يداويها.

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الخميس أكتوبر 20, 2011 1:09 am

abu.alsho0osh يشرفني مرورك وناطره ردك ..

راقص القبور العفو وانا معاك بالضبط نفس ردك..


????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الخميس أكتوبر 20, 2011 1:13 am

Admin

اخوووي الحمدلله الله عطانا هالنعمه اننا ننسى ونسامح بس مااتوقع ماراح يأثر فيك موقف وراح تتذكره خصوصا اذا كان من شخص قريب وهم من شخص غااالي اكييييد بيأثر بيأثر بيأثر ، راح نسامح اي راح ننسى اي بس مستحيل ان مايطري وانتذكر هالشي
اتمنى انك فهمت قصدي ..

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف Admin في الخميس أكتوبر 20, 2011 2:51 am

بالإيمان وعدم القنوط من الرحمة وإرادتنا وعزيمتنا نستطيع أن نحل ونتغلب على أي انكسار أو سقوط أو فشل
وان سقط من عينك هذا الشخص هل معنى ذلك فشل بالحياة طبعا لا لأن من سقط لن يقف عند سقوطك فهناك أمور أخرى في حياته سوف يقف بها على رجليه والحياة تمشي اذن لماذا السقوط وماهية هذا السقوط وماهي الاستفادة

بالنسبة لي هذا المثل كلام فارغ

بالنسبة لي انا شخصيا لا مثلا الشخص مات وراح بتم بتأثر بمواقفه !!

مثلا الشخص آنا مو في باله ولا انا اخر اهتماماته بتم أتأثر واحتر و كل ما شفته انقهرت وزمجرت طبعا لا مستحيل

مثلا الشخص اعتذر وبكل أفعاله يبي يسوي المستحيل علشان أرضى طبعا خلاص الموضوع انتهى عبارة

ليش أستهلك نفسيتي وطاقتي واخسر صحتي مع ناس أنا آخر اهتمامهم ولاهم بدائرتي ولا يدرون عني وبكل تأكيد بوفر امكانيات طاقتي حق شي استفيد منه وينفعني ويجلب لي السعادة مو شي يرهق أعصابي

أعتقد الجماد مو مثل للانسان ولا منطق ان نمثل الجماد كحكمة أو مقولة لأن النفس البشرية أرفع من ذلك بكثير بكثير بكثير

واللي يأيد كلامي أهو الانسان بمعنى الانسان هذا من منظوري الشخصي مو بس انا في شخوص كثيرة تأيد كلامي

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف راقص القبور في الخميس أكتوبر 20, 2011 3:16 am

المقصد من جوابي و توافق حلاوة معاي اهو نسامح ماكو اي مشكلة لكن كل شي بيرجع مثل اول؟
لا طبعا شخص جرحني مرة ومرتين و ثلاث ومليووووووووووووووون شلون ارد له مثل اول !! لكل شي حد وكل واحد يقدر يسامح بعدد محدود او مفتوح وصح رب العباد يسامح شلون احنا ما نسامح ؟ لكن المقصد اهو الشعور الداخلي من بعد الانكسار بيرجع مثل اول؟ لا طبعا بيكون شعور غريب ممزوج بخوف ان يتكرر اللي صار و صح بيكون في شوق و وله لكن في خوف في تردد في مشاعر كثيرة مخلوطة في بعضها يصعب شرحها
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف Admin في الخميس أكتوبر 20, 2011 4:39 am

المياه ترجع لمجاريها
والقلب ينبض
والعقل يفكر
والروح موجودة ما انسحبت
والفكر سليم
وتمشي
وتتحرك
وتروح وتيي
وتضحك
وتبجي
وتصرخ
وتركض
وترقص
وتسوق سيارة
وتشوف ناس وتخالط ناس
وتشتري
وتستانس
شنو بتغير
ماكو شي
عقلك الباطن بيكون مريض لو فكر في أحد جرحني مرة واثنين وعشرين ومليون وبليون
راح يمل اللي يجرح واللي انجرح بينسى
ما عندي اقتناع ابدا بالتغير وان ما بيرجع نفس قبل وان مادري شنو صدقني ماكو

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف راقص القبور في الخميس أكتوبر 20, 2011 4:45 am

اي بس لو ماتغيرنا بنخسر صح والا لا
التغيير واجب و لازم وخصوصا بهالمسائل و اول وتالي لكل شخص نظرته
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الخميس أكتوبر 20, 2011 8:44 am

هل تؤمنون بهذه المقوله ( اللي انكسر عمره ما يتصلح) ؟
نعم ولكن اذا كانت طعنه قويه بدون اعتذار او احساسه بالغلط ..

_ هل حقا التسامح والصفح والغفران كفيل بأن يعيد الزجاج المكسور كما كان؟
اكيد بسامحه خصوصا اذا حاول المستحيل يدور رضاي الله غفور رحيم ليه ما نسامح

_ هل انت من النوع الذي يستطيع تجاهل انكسار الزجاج؟
شوفي حلاوه بعطيج مثال ..
عندج مزهريه حلوه وانكسرت وفي امل ترممين هالمزهريه وتصلحت ولكن مو نفس ماكانت عليه قبل فيها علامات الكسور بس لانج حابه هالمزهريه متقبله شكلها الجديد لانج ما تبين تخسرينه .. الي اقصده يعني لو تتصالحين مع حبيبج بيبقى اثر الخلاف او الخيانه .. ولكن لانج تحبين هالشخص بتنازلين وتحافظين عليه ..

ترا في امور الشخص لازم يتنازل عشان يستمر الا اذا كانت الصدمه قويه او طعنه ومالقيت من هالشخص اي تجاوب ..

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف Admin في الخميس أكتوبر 20, 2011 4:49 pm

شوفي اهو مافي شي اسمه طاح من العين انكسر التعبير باللفظ خاطيء اللي ينكسر ما بجمعه بكون فدوة عني وبلمه وبقطه بزبالة واليوم بيمشي بدون هالجلاس أو الماء المسكوب أو اللبن المسكوب What ever عادي شنو يعني

يا جماعة عيشوا الحياة بسهالة لا تصعبون الأمور والتشاؤم كبير عندكم مع ان الأمر سهل جدا

وان كان على الغدر والخيانة هذا موضوع أكبر من طيحة العين أو من الانكسار

هذا لازم يكون عندي قرار انا قده ويكون صحيح في وقت صحيح مو اكون على استعجال يا ناس انتوا عندكم التشاؤم بالحياة أوسع من الاسترخاء والهدوء ومن خلال ردودكم عن كثير مواضيع استشفيت منكم النظرة السوداوية بالحياة كبيرة

يا ناس اهتدوا وشوفوا بعيونكم وعقولكم وقلوبكم الحياة صح ترى الدنيا زينه بدون تعقيدات احنا ايام اول ما عندنا تعقيدات الاجيال صار عندهم هوة بين جيلين وصاروا متشائمين بدرجة عالية لكن قبل كانوا بسطاء بدون تطور وكانوا سعداء مع ان كانت امراض بذاك الزمن ولا في اوقات للهو وكان طقس الجو ألعن وكانت الكوارث الطبيعية كثيرة وكانوا يتماشون مع كل وضع ومكان وزمان لا انكسار ولا بطيخ حتى المرأة كانت قبل جسورة صبورة هادئة ما تنكسر ولا شي كانت تعيش الحياة صح بسيطة ويها مفرود مبتسمة واللي حوالينها تعيشهم صح وقبل كان اذا شافوا احد متشائم كانوا ينحاشون منه ويقولون عنه بل شفيه فلان


عدل سابقا من قبل Admin في الخميس أكتوبر 20, 2011 5:06 pm عدل 1 مرات

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الخميس أكتوبر 20, 2011 5:03 pm

يعني دشت وحده بيتها ولقت زوجها يخونها مع مرأه غيرها اناا مابحط هالموقف في دائره اللي انكسر عمره مايتصلح لان الخيانة تندرج تحت شي اكبر من الانكسار والطيحة وهذا موقف منتهي خلاص مابحطه بمستوى الانكسار لانها بتشطبه من حياتها هذي المرأة وبتعيش حياة يديده نظيفه بدونه ومايستاهل دقيقه انها تفكر فيه او تخسره طز فيه بالمعنى العام
وصج لاحظت ماكو تفاؤل هني كل شي غم واحباطات ولاهو معناها اللي يقول جذي او يطلب التفاؤل انسان خالي من المشاكل او ماتعرض لهالمواقف بالعكس مرينا وعشنا بس ما انتهينا وعندنا أمل بالحياة وتفاؤل ونعرف ان الله خاش لنا الافضل وصاج الادمن ايام قبل المرأه يموت زوجها اللي تحبه وشايل عنها حمول الدنيا ومسؤلياتها ونشوفها تواصل الحياه وتتزوج وتعيش حياتها بس الحين لو مشكله بسيطة بين الحبيب وحبيبته انفصلو وتبقى المشكله وتوابعها ياخذلها سنه او سنتين بس تفكير بلي صار ويستهلكون حياتهم بدون انجازات ولا شي ليششششششش؟
اعتبرو اللي صار كدمه ومع الزمن نعمة النسيان بتخليها تختفي بس انتو كثرو جرعة التفاؤل وتوكلو على الله

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الجمعة أكتوبر 21, 2011 5:32 am

ياحيالله شيري ، وحلوه .. وين هالغيبه ؟ عسى المانع خير فديتكم :*

انا ماقلت بتوقف الدنيا اذا الشي انكسر،، لأ بالعكس الله عطانا نعمة النسيااااااااااااان والحمدلله على هالنعمه ،،
بس ياااجماااعه اذا برد للعلاقه من بعد الانكسااار مستحيل ترد مثل اول
فهمتوووني ؟؟!!

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الجمعة أكتوبر 21, 2011 6:12 am

فديتج ياحلاوه المانع خير انشغلت شويه .. اكيد بترجع بالبدايه مو نفس قبل لكن مع المرور الوقت صدقيني كل شي راح يتغير وبتكون علاقتكم اقوى واذا يحبج راح يحاول ما يخسرج بيتحمل منج كل شي من ردت فعلج حتى غضبج بعدين انتي بروحج بتحسين طاح الحطب .. Smile

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف Admin في الجمعة أكتوبر 21, 2011 10:07 am

كل شي يرجع إلا الصحة والموت والجنون فقط أي علاقة كانت قائمة ترجع إن كان في بال الطرفين الرجوع بيرجعون وأحسن لأنهم تعلموا من خطأهم وعطاهم دافع أمتن إنهم يستمرون وللأفضل

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الجمعة أكتوبر 21, 2011 10:22 am

الله يحييج ويبقيج حلاوه
انا وحنون مدفون سرنا بالمنتدى بس مايمنعنا الا الشي القويSmile
شوفي انا فاهمتج وقريت ردودج وايد بس يمكن في اشياء زينه بتيي عقب هالعلاقه لي ردت وبتخفف عنج الي صار ويمكن لو خليتي هذا الشخص وراج يمكن تطيحين بحظ شخص اردى من اخلاق الي انكسرتي بسببه يعني السالفه يبيلها تعب ومحاوله وفرص ووقت وصبرررررررررررررررر عشان ضميرج يرتاح انج ماتخليتي عنه من اول غلطه غلطها
طلعت من الرد ورديت بقولج شي مهم لاتنسين العقاب ,,, اي لازم تعاقبينه على الي سببه لج من ألم بس مو تعاقبينه تتخلين عنه وتنفصلوون لا عاقبيه عقاب يخليه يحرم ويفكر الف مره قبل لايسوي فيج جذي وكل بنت ادرى بدواء صاحبها صح!

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في الجمعة أكتوبر 21, 2011 9:33 pm

نورتوني ...
ادمن صحيح كلامك .
شيري.... ردودي مو معناته ان هذي حياااتي لأ الحمدلله انا عايشه ومرتاحه ومريت بتجااارب واااجد بس الحمدلله على نعمة العقل قدرت اميز واطلع من تجارب وااجد بحيااتي قدرت انساها
وحاليا ومستقبلا ماافكر اصلا اني احب او ارتبط لان هالشي تعبني حييييل
اكتفي بصداقاتي وربعي اما الحب مخليته لأهله Wink
مجرد موضوع طرحته ونتناقش فيه فدييييييتكم :*

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في السبت أكتوبر 22, 2011 7:48 am

حلاوه انا اوجهه الكلام لج لانج صاحبة الموضوع مو قصدي انج صاحبة المشكله Wink

وعساج دوم بخير بين حبايبج وربعج وتدوم العشره بينكم وتتوفقين في انسان يحبج ويصونج

وكثري من هالمواضيع القويه عشان نتناقش اكثر ونتعرف على شخصيه بعضنا ووجهة نظرهم بأمور الحياه

????
زائر


الرجوع الى أعلى الصفحة اذهب الى الأسفل

رد: اللي انكسر عمره مايتصلح ....

مُساهمة من طرف ???? في السبت أكتوبر 29, 2011 5:38 am

تسلميييييين :**

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى