ما لا تعرفه عن الايفون ( حصري لمنتديات بويات اند مانيش )

استعرض الموضوع السابق استعرض الموضوع التالي اذهب الى الأسفل

ما لا تعرفه عن الايفون ( حصري لمنتديات بويات اند مانيش )

مُساهمة من طرف راقص القبور في الخميس مايو 19, 2011 9:51 pm

السلام عليكم جميعا
طبعا اغلب الناس تملك جهاز الايفون وفي شغلات وايد مو عارفينها ويودونه لمحلات ونسف فلوس عالفاضي او الاغلبية فضلوا عليه جهاز الجالاكسي من شركة سامسونج لانه يحتوي على شغلات موجودة اصلا بالايفون لكن بشكل غير ظاهر
المهم راح نتطرق لكل شغله حبه حبه ما اقول لكم باني محترف فيه لكن اعلمكم على الشغلات اللي عارفها لان وايد ناس صادفوني مو عارفينها وحبيت الكل يستفيد وادعولي Smile



اولا : التصحيح التلقائي
طبعا حالما تبدأ بالكتابة باللغة العامية تلقى الايفون يصحح لك ويحط كلمات من عنده وهني تضطر انك تمسح وترد تكتب وتسكر الايكس مال التصحيح كل اللي عليك تسوي هالخطوات
اعدادات
عام
لوحة المفاتيح
وتلغي ثاني وثالث اختيار مو ذاكر بالعربي شنو لان جهازي انقلش وصراحة مالي خلق ابدل اللغة Smile
وبمجرد ما تسوي جذي بتلقى التصحيح التلقائي اختفى



حصري لمنتديات بويات اند مانيش




ثانيا : استرداد ما تم مسحه
مرات تكتب شغله سواء بالنوتس او اي مكان بالغلط وحبيت تسترجعه كل اللي عليك تهز الايفون هزة خفيفة بيطلع لك اختيار التراجع عن الكتابة تضغط عليه وبيرد كل اللي مسحته



حصري لمنتديات بويات اند مانيش



ثالثا : حفظ السرية
طبعا كلنا عارفين لوحه البحث اللي اهي لما تلف الشاشة يسار بتطلع لك لو حطيت اي حرف راح تطلع لك بلاوي زرقة كل شي موجود مثلا مسج مو حاب احد يقراه مسحته ولكن شخص اخذ الفون وحط اي كلمة او حرف موجود بهالمسج راح يطلع له على طول حتى لو ممسوح !!!
كل اللي عليك تروح
اعدادات
عام
سبوت لايت سيرج ( عاد ماذكر شنو بالعربي )
بتطلع لكم هالشغلات ويمهم صح
اسماء او جهات اتصال
التطبيقات
موسيقى
برودكاست
فيديو
كتب صوتيه
نوتس
ايميل
ايفينتس
رسائل
عاد انتوا شيلوا الصح من المسجات والبرودكاست و النوتس عشان محد يطلع عليها بعد المسح


حصري لمنتديات بويات اند مانيش





ثالثا : تسرب الصور والفيديو
اللي ماتعرفونه بان الصور والفيديو تتسرب لموقع عالمي اذا كنت مسوي تحديد مكان . صح نحتاج تحديد المكان في بعض البرامج مثل برنامج تحديد القبله , خرائط الموبايل وغيرها من برامج اللي حتى الوتس اب يطلب تحديد مكانك وبرنامج whos here السخيف
المهم اللي عليك تروح
اعدادات
عام
لوكيشون سيرفس
وتحط اوف على الصور والكاميرا او اي برنامج تحط صورك فيه عشان تمنع التسرب او اذا ماتبي بالمرة تحدد موقعك الغيه من اول اختبار اللي بروحه فوق


حصري لمنتديات بويات اند مانيش





رابعا : البلوتوث
وايد ناس يشوفون ان وجود كلمة بلوتوث في الايفون على بالهم بان الايفون يحتوي على بلوتوث وطبعا مستحيل البلوتوث غير موجود ابدا في اي منتج من منتجات شركة ابل وهذا اللي خلا الناس تتجه لجهاز الجالاكسي البلوتوث الموجود في الاعدادات مثل ما كل الناس تشوفه اهو بلوتوث سيارة توصله بالسيارة وتشغل الافلام والاغاني او حتى تتكلم فيه من بلوتوث السيارة وطبعا مو اي سيارة السيارات الحديثة فقط



حصري لمنتديات بويات اند مانيش




خامسا : الرنات
واللي طبعا كل الناس متمشكلة فيه لوجود رنات بايخه وقليلة بالايفون واللي اكشخها رنة ماريمبا ورنة اكسيلوفون , تقدر انت تسوي رناتك بنفسك وانا مسويها يا جماعه والله رناتي انا اسويها لا برنامج ( اي رينقير ولا برنامج رينق تونز ) الشغلة بسيطة جدا وانا كل شوي حاط لي شلة رنات كل اللي عليك تتبع هالخطوات صح شوي طويلة لكن بتستانس وراح تشوف ان فونك مميز خاصة بان قلة من الناس تعرف هالشغلة <<< مستانس كل ما رن فونه واللي يمه يشوف اي فون ويرن اغنية واحد ينشده شلون !!!

اول شي تنزل الاغنية اللي تبيها عادي
ثاني شي تحولها كالعادة لصيغة MP3
ثالث شي تقطعها على حسب المقطع اللي تبيه ( ملاحظة حد الرنة بالايفون اهو تقريبا 30 ثانية مو تسدح لك اغنية طويلة وتقول ماصارت وتدعي علي )
رابع شي تحولها مرة ثانية لصيغة ممكن تكون اول مرة سمعت فيها اللي اهي M4R ( انصح ببرنامج فورمات فاكتوري لانه افضل برنامج واسهل برنامج تحويل صوتي وفيه كل انواع الصيغ ويحول كل شي حتى الصور )
خامس شي تفتح الايتونز وتوصل فونك فيه بتطلع لك كل المعلومات من سعه فونك الى الرقم وعدد التطبيقات وكل شي المهم تسوي كوبي للرنات اللي حولتهم لاخر صيغة مذكورة وتضغط على كلمة ايديت تختار كلمة بيست راح تلاحظ بان انوجدت عندك كلمة جديدة واهي رينق تونز بتلاقيها تحت تقريبا الفيديو او البرودكاست اللي على يساركم في الايتونز بتنحط عندك كل الرنات بالايتونز بقسم الرينق تونز وفي على الطرف اليمين كلمة ابلاي تغط عليها عشان تثبتهم بعدين تروح تطلع اسم جهازك من اليسار وتضغط على كلمة ساينيك وبجذي راح تنزل كل الرنات على الجهاز وبتلقاهم في خيار اصوات من قائمة اعدادات ( ملاحظة المسجات مالها الا رنات الجهاز على حسب علمي بس اسوي التعبث الشهير مالي بفوني واعلمكم اذا في رنات للمسجات لان رنات المسجات اتييب المرض )




حصري لمنتديات بويات اند مانيش



لي الحين هذا اللي اتذكره اذا تذكرت شي بقوله لكم اتمنى انكم تستفيدون واذا في اي شي مو عارفينه او فاهمينه بالايفون او بكلامي يسعدني ارد و اوضح لكم
( على فكرة الايفون ايبود و فون بوقت واحد يعني ماله داعي الحين ايبود ) وهالله هالله بالرنات الزينة واللي يسوي اي شي من اللي قلته يهمني يبلغني احب اعرف اذا في احد استفاد من اللي قلته او لا
تحياتي للجميع اخوكم يوسف
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف ???? في الجمعة مايو 20, 2011 6:45 am

يسلمووووووووووووووووووووووووووووووووو بويعقه على المعلومات المفيده كنت انطر تنزل الموضوع من زمان بس سالفه الرنات انت تقول سهالات لانك تحوس بهالجهاز 24 ساعه بس انا دخت مع الرنات ولازم انزل هالبرامج M4R واقطع الاغنيه ووووو Crying or Very sad PLZ IWANNA MORE HELP bo Y3QA

????
زائر


الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف ???? في الجمعة مايو 20, 2011 6:51 am

تسلم على المجهود واكيد الكل بيستفيد خصوصا الي عندهم ايفون Wink

????
زائر


الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف راقص القبور في السبت مايو 21, 2011 5:43 am

يسلمو حبايب عالردود
الشري والله سهل بس ركزي شوي ادري شرحي مو ذاك الزود لاني اصلا ما اعرف اشرح Sad
كل اللي عليج يتواجد عندج 3 شغلات بس في اللاب
1) الايتونز
2) برنامج تحويل صوتيات
3) برنامج تقطيع الاغاني
اذا تبين على يوم اتواجه معاج واعلمج فيس تو فيس او ادق عليج واتم معاج عالخط الين تسوين كل شي شوفي شنو تبين وانا حاضر ومن عيوني



وترقبوا شغلات يديدة ومهمة عن الايفون توني تذكرت
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف ???? في السبت مايو 21, 2011 6:11 am

فيس تو فيس احسن Smile بس لازم احط برنامج تحويل وتقطيع

????
زائر


الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف راقص القبور في السبت مايو 21, 2011 6:15 am

اي لازم مو مشكله لابي فيه هالبرامج حاضر اسوي لج اي رنة تبين ووعد ما اهدج الا وانتي بيرفيكت فيهم على فكرة توني تاكدت بان الايفون يتحمل بس 12 رنة عالاقل ابرك من ماريمبا والثانية ولا اللي اكشخهم مالت الفضاء الفارة نسيت اسمها احس اني بمسلسل ذا ايكس فايلز
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف ???? في السبت مايو 21, 2011 6:21 am

جربت رنة اسمها الخيالي لووووووووووووووول موسيقى بيت الرعب دراكولا هاوس

????
زائر


الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف راقص القبور في السبت مايو 21, 2011 6:26 am

اي اهي هذي عافانا الله
الشري اذا فيديو من عندي عاللاب يصير احه هني؟
عشان اذا يصير اصور طريقة الرنات واحط الفيديو هني عشان الكل يستفيد
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: ما لا تعرفه عن الايفون ( حصري لمنتديات بويات اند مانيش )

مُساهمة من طرف راقص القبور في الإثنين مايو 23, 2011 6:46 am

نكمل الجزء الثاني لان توني تذكرتهم

مرات يعلق الجهاز ولا يشتغل لاسباب غير معروفة وتضطر توديه لاقرب محل وتسويه وطبعا الشغله بسيطة جدا لكن اللي بالمحل يسوي روحه فاهم وياخذ منك مبلغ وقدره كل اللي عليك تسويه اهو :

تضغط على الدايرة السودة ومفتاح القفل اللي فوق اثنينهم مع بعض لمدة تقريبا خمس او ست ثواني وراح يتبطل معاك الجهاز من يديد


حصري لمنتديات بويات اند مانيش

طبعا بتقول ليش صار جذي؟ جهازي قديم او مضروب ؟ اقول لك لا جهازك سليم لكن كل مافي الموضوع انك فتحت تطبيقات عديدة وماسكرتهم , بتقول لي لا يبة سكرته وطلعت منه بشكل عادي . وهذي الطريقة الصحيحة لاغلاق اي تطبيق

تطلع من التطبيق للصفحة الرئيسية
تضغط على الدائرة السودة مرتين ورى بعض
راح يطلع لك شريط بالاسفل فيه كل التطبيقات اللي تم فتحها
تضغط على التطبيق لمدة 3 ثواني راح تلاحظ ان كل التطبيقات الموجودة بالشريط الرصاصي بدت تهتز
في علامة حمرة فوق كل التطبيقات اضغط عليها عشان يتسكر
كرر المحاولة مع كل التطبيقات اللي بالشريط الى ان يصير فاضي


حصري لمنتديات بويات اند مانيش


لرفض اتصال :
عشان تسكر الخط بويه اي شخص ماتبي تكلمه كل اللي عليك تضغط على مفتاح القفل العلوي مرتين وبيتسكر الخط بسحنته


حصري لمنتديات بويات اند مانيش



لعمل قائمة تضم برامج عدة :
طبعا المعروف عن الايفون يتحمل 11 صفحة بس حتى لو سعة الجهاز 64 جيجا عشان تتفادى هالمشكلة كل اللي عليك انك تسوي :
تضغط على اي تطبيق لحد ما يهتز وتسحبه عند اي تطبيق كانك بتحطه فوقه دايركت بتتكون عندك حافظة تقدر تحط فيها عدد تقريبا 12 تطبيق وتقدر تسميها بعد بمجرد انك تضغط على الاكيس الصغير صوب الاسم وتكتب اللي تبيه وبجذي راح تقدر تحط عدد كبير من التطبيقات وبعدد صفحات قليل


حصري لمنتديات بويات اند مانيش



الاضاءة :
مرات تكون نايم وتبي تشوف فونك الغرفة ظلمة و اول ما تضغط عالدائرة السودة الليت القوي يعمي عينك كل اللي عليك تسويه :
اعدادات
برايتنيس
تحط على اوتو براينيس ON
راح تصير الاضاءة على حسب اضاءة المكان اللي انت فيه كل ما كان المكان منور زادت الاضاءة وكل ما قلت الاضاءة وزاد الظلام اضاءة الفون تقل


حصري لمنتديات بويات اند مانيش


لاسترداد الاسماء من الشريحة :
اعدادات
ايميل , اسماء , تقويم
استرداد الاسماء من بطاقة SIM



لي الحين هذا اللي ذكرته كالعادة من اتذكر ابلغكم Smile
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى