رواية روحي تحبك ,,رواية بويات

صفحة 5 من اصل 5 الصفحة السابقة  1, 2, 3, 4, 5

استعرض الموضوع السابق استعرض الموضوع التالي اذهب الى الأسفل

رد: رواية روحي تحبك ,,رواية بويات

مُساهمة من طرف Lady-5arabo في الخميس مارس 03, 2011 2:06 am

شيطونه حياتي وين التكمله طولتي Question
avatar
Lady-5arabo

عدد المساهمات : 238
تاريخ التسجيل : 31/10/2010
العمر : 27
الموقع : kuwait

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف ب87ـوية في الخميس مارس 03, 2011 2:12 am

مساكم الله بالخير


يسلمو على القصه

تسلم الايادي على الطرح


القصه عجبتني وايد

دمتم بحفظ الله

avatar
ب87ـوية

عدد المساهمات : 416
تاريخ التسجيل : 23/09/2009
العمر : 30
الموقع : الله يرحمك يالغالي مثواك الجنه

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 7:54 pm

لوووول بيشو في بعد احد راح يموت Razz Sad
كلكم عى راسي وشاكره رودكم :**
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 8:12 pm

رائد ابتسم لها ويود يد منار ومشى للطياره .... ساره كانت في المطار وادور منار
ساره :- منااااااااااار
السكيورتي :- لو سمحتي مايصير تروحين هناك الا لو كنتي من المسافرين
منار من سمعت صرررررخة ساره دمعت عيونها التفت وجافت سااااره
رائد :- حبيبتي مو هاي رفيجتج
منار واهيه تبجي :- اي هاي رفيجتي هاي ساره
عايشه وميساء كانو ايودون ساره اما منار فركضت لساره وكلها احساس بان هاي اخر مره تجوفها حست انها مابترجع للبحرين مره ثانيه حست انها خلاص بتموت وساره كانت حاسه هالاحساس لمو بعض بقوه كانت لمة الوداع عليهم ساره ماكانت تبي تهد منار بس منار كان قلبها يحترق وماتقدر خلاص
منار :- ديري بالج على روحج ,,,,, ومشت
ساره :- منار لا لا تروحين منااار
عايشه :- ساره طولي بالج مايصير جذي
ساره:- منار مابتسافر ياعايشه منار مابتسافر منار بتموت بتموت فهميني بتموووووت
ميساء :- اسم الله عليها .... لاتفاولين انتي ادعي لها وان شاء الله مع العلاج بترد احسن من قبل
في السياره ساره كانت ورى وميساء جدام وعايشه تسوق
عايشه :- نامت ؟
ميساء التفت وجافت ساره نايمه :- اي نامت
عايشه :- تعالي نوره وين كانت معانا
ميساء :- مادري والله
عايشه :- خلني اتصلها
الهاتف المتنقل المطلوب لا يمكن الاتصال به يرجى الاتصال بوقتن لاحق شكرا
ميساء :- ؟؟؟
عايشه :- غريبه مغلق !!!
ميساء :- يمكن خلص الجارج
عايشه :- ماعتقد قلبي ناغزني
نوره قررت انها تترك البحرين وتسافر او .... تهاجر قررت انها تنسى كل شي صار وتعيش وحيده بروحها قررت تتخلى عن الكل قبل مايتخلون عنها كانت تدري انها بتشتاق لعايشه وللبحرين ولربعها ولاهلها وللكل بس الحاله اللي وصلت لها حسستها ان اللي تسويه اهوه الصح
في غيبتك يالهفتي ليلي معاناة وصراع
وحدي امني وحدتي باحلام وصلك والرجوع
ابحر وطيفك والامل والشوق والذكرى شراع
وارسي على مرسى الوله مابين قلبك والضلوع
مثل ماقلنا نوره راحت ,,, سافرت ,,, هاجرت واللي يزيد حسره انها راحت من غير وداع راحت ومحد يعرف لوين بتروح عايشه من الصبح مرت ميساء وراحت بيت نوره وماقدر اوصف لكم شعور اهل نوره والحاله اللي وصلو لها من عقب ماكتشفو غيابها ! كان الخوف في عيونهم مايه في بالهم انها سافرت اللي حسو فيه الخوف واللي يه في بالهم ان نوره انخطفت
الشرطي :- متى اخر مره كلمتيها
عايشه والغضب في عيونها :- امس .. كانت معانا ومره وحده اختفت !
ميساء :- مثل ماقالت عايشه حاولنا نتصل فيها بس يطلع لنا مغلق قلنا يمكن مخلص الجارج او تبي ترتاح واليوم لفينا البحرين لف مالقيناها ...!
الشرطي يكلم ام نوره :- اختي لازم اطولين بالج قولي لي في الفتره الاخيره حسيتو عليها شي لمحت لكم بشي
ام نوره والدموع اربع اربع :- امبلا
اول ماقالت امبلا عايشه طالعتها بنظرة ان شنو قولي بسرعه شقالت وكانت خايفه ان يطلع نفس الموضوع اللي في بالها موضوع انها ارمله ...
ام نوره خذت نفس وحاولت قد ماتقدر تتكلم :- في الفتره الاخيره كانت وايد تفكر وتحاتي ,,الخوف من المستقبل كان واضح في عيونها قالت لي يمه ! عقب عشرين سنه باجوف كل البنات في بيوتهم وكل وحده ويا ريلها وعيالها الا انا
بونوره ماقدر ايود روحه اكثر ...دمعت عيونه واهوه يقول :- انا السبب ,,, انا اللي بعتها ,,, انا اللي رملت بنتي
الشرطي :- كل خير ان شاء الله انا كلفت دوريه ادورها وبنسال عليها في المستشفيات والمخافر وفي المطار...
بونوره يكلم ام نوره :- المطار ...!!! تهقين سافرت .....
ام نوره :- لاماتوقع وين بتروح اصلن
بونوره :- جوازها وين !!!!!!!!!!!!!!!!!!
عقب ربع ساعه في دار ام نوره
الشرطي :- ها لقيتوه
ام نوره قعدت ع الارض والصدمه في عيونها والدموع على خدودها واشرت براسها ان لا
الشرطي يكلم الدوريه وقالهم يجيكون اسمها في قائمة المسافرين
اما عايشه فطلعت من البيت ولحقتهم بسيارتها
في المطار عايشه كانت مثل المينونه ماكان خوفها ان نوره سافرت لا عايشه خافت ان نوره سوت في روحها شي
عايشه تركض وتكلم روحها :- يارب يالله ارجوك احفظ لي نوره من كل شر ياالله
ميساء كانت تركض ورى عايشه وعقب وقفو يم مكتب المدير لان الشرطه كانو داخل يسالون عن نوره
عقب عشر دقايق
عايشه :- الشيخ ... انا رفيجة نوره بشر
الشرطي :- لقينا اسمها في قايمة المسافرين بس للحين مو مبين معانا لوين سافرت
عايشه وقفت في مكانها تحاول تتذكر اي شي او اي كلمه من كلام نوره يمكن لمحت لها بس ابد ماتذكرت ,,, لحظه نوره ماعندها اهل برع البحرين ولو بتسافر ..... اي صج ماكو غير هالشي اكيد نوره سافرت الكويت انا لازم الحقها مستحييييل اتخلى عنج يانوره مستحيل
بس نوره ماكانت في الكويت ولا في اي دوله خليجيه نوره كانت في مصر بالتحديد في القاهره ....!
كانت نوره في الفندق وكل تفكيرها في حال اهلها وفي عايشه شلونهم الحين معقول يفكرون فيني ولا خلاص نسوني ,,, دمعت عيون نوره واهيه تقول :- انا احبكم وايد وايييد سامحوني لاني رحت وماودعتكم بس لو مارحت انا كنتو انتو بتروحون وبابقى وحيدهـ ....وانا ماقدر انجرح اكثر ...سامحوني يااغلى الناس ....سامحوووونيييي .......
بعد السهر والتفكير والدموع نوره نامت اما منار فهم كانت في مصر ويا رائد ورائد اختار مصر من بين كل الدول لان رفيجه كان فيه السرطان وتعالج في مصر
رائد :- حبيبتي يالله قعدي طلعت الشمس
منار :- رائد ...
رائد :- قلب رائد
منار :- احبك
رائد ابتسم ولم منار :- انا اكثر
في البحرين بالتحديد في بيت ساره ويوسف
ساره :- حبيبي يالله قوم بتتاخر
يوسف :- بعد دقيقه
ساره :- يسوووفي
يوسف :- ههههه ياعيون يوسف انتي
ساره :- :$:$:$
يوسف :- حبيبتي امس كنتِ وايد تعبانه خير شصار معاج
ساره تذكرت منار ومرضها وحست بضيق :- تذكر منار
يوسف باهتمام :- اي
ساره :- امس قالو لي انها مريضه ... بسرطان الدم
يوسف :- حبيبتي ترى لو المرض في بدايته بتتعالج الف بالميه
ساره والدموع في عيونها :- مو هاي المشكله منار من قبل مانتزوج واهيه حامله المرض وساكته وماكانت تبي تتعالج الا عقب ضغط رائد عليها ,,,,,يوسف انا وايد خايفه عليها وايد اخاف اني افقدها !!!!
يوسف يعرف ان سرطان الدم اخطر انواع السرطان وحط احتمال واحد بالميه ان منار بتعيش لانها تاخرت وايد ماكان يبي يقول لساره اي شي وعقب تنصدم بالعكس فلمها واهوه ساكت .....
بخصوص ميساء وعايشه كانو يمشون ويفكرون وين ممكن تكون نوره
عايشه :- انا اقول انها في الكويت
ميساء :- ماعتقد نوره ماعندها اهل في الكويت
عايشه :- بس يوم تزوجت راحت الكويت واكيد تعرفت على احد هناك
ميساء :- والحين شبنسوي
عايشه :- انا بالحقها
ميساء :- شنو !
عايشه :- ميساء هاي نوره والحين اهيه محتاجتني اكثر من اي وقت ماقدر اتخلى عنها ....اخاف تسوي في روحها شي هاي اللي انا خايفه منه لازم اتحرك ,,, اتصرف مايصير اتجتف واسكت
ميساء :- وانا بايي معاج
عايشه :- لا ميساء ماله داعي انا اعرف اتصرف
ميساء :- عايشه انا قلت كلمتي خلاص
عايشه لمت ميساء :- مابنسى لج هالوقفه
ميساء ابتسمت :- يالله خلينا نروح انييب جوازاتنا ماعندنا وقت
عايشه :- مشينا
عقب نص ساعه في بيت ميساء
ميساء كانت في غرفتها ترتب اغراضها واهيه ترتب الاغراض جافت البوم الصور ,,, قعدت ع السرير ,,, بطلت الصور ,, ودمعت عيونها لما جافت صورتها ويالشله ومن ضمن الشله هيفاء طالعت السما واهيه تقول :- الله يرحمج يالغاليه .....
اما في بيت عايشه فعايشه راحت لامها و
عايشه :- يمه
ام عايشه :- عيوني
عايشه :- يمه تسلم عيونج ,, ابي جوازي
ام عايشه :- شله
عايشه :- باسجل في دوره في المعهد ويبون نسخ من الجواز باصوره وبارده
ام عايشه :- روحي داري وجوفيه في المير التحتي
عايشه :- ان شاء الله
راحت عايشه وخذت جوازها وراحت لميساء اللي ماكانت تعرف شتقول لاهلها
عايشه :- يالله ميساء صيفتي
ميساء :- دقيقه ماعرف شاقول لاهلي
عايشه :- قولي لهم انج تبين الجواز حق تسجيلن في دوره بتصورينه وبتردي لهم
ميساء :- اوكي ثواني
عايشه :- ويت يو
صكت ميساء التلفون نزلت تحت وجافت نوريه وفاضل وتيته ومهند قاعدين راحت وقطت روحها في حضن تيته
ميساء :- تيته
تيته :- هلا
ميساء :- تيته ابي جوازي
تيته :- ليش
ميساء :- باسجل في دوره باصوره وبارده لج
فاضل :- لا ماله داعي انا عندي نسخه منه
ميساء توهقت ماعرفت شتقول :- ادري بس اكيد الحين معفسين وحالتهم حاله انا ابي اودي شي مرتب
نوريه :- والمعهد شعليهم من الجواز
ميساء :- شنو شعليهم هاي اثبات هويه ....يالله عاد تاخرت رفيجتي تنطرني
تيته :- دقيقه وباييبه لج
نوريه :- لا يمه خليج مرتاحه انا باييبه
راحت نوريه ويابت الجواز ميساء حببتهم كلهم وراحت لعايشه
ميساء :- مشينا
عايشه :- مشينا
راحو المطار وكان اقرب حجز للكويت الساعه 6 المغرب حجزو وتمو في المطار
عايشه :- امس حلمت في هيفاء
ميساء :- خير ان شاء الله
عايشه :- ماتذكر شي بس جفتها هاي اللي اتذكره
ميساء :- الذكرى الحين مااتيب الا عوار القلب لازم ندعي لها بالرحمه
عايشه تذكرت هيفاء ومواقفهم واجمل ذكرياتهم قامت تبجي بقوه واهيه تقول :- اللي معور قلبي انها انتحرت ليش انتحرت طول عمرها كانت قويه لما كنت اضعف كنت اجوفها يمي كانت اقوى وحده فينا تتالم وماتتكلم تنجرح وماتبجي جدامنا ليش انتحرت ليييييش !!!!!
ميساء يودت يد عايشه :- لاتنسين الحاله النفسيه تلعب دور اهيه جافت امها تندفن جدامها وهالشي اثر عليها وايد
عايشه :- انا خايفه وايد ان نوره تسوي نفسها وانتي بروحج قلتيها الحاله النفسيه
ميساء :- لو نوره تبي تنتحر جان ماسافرت جان انتحرت على طول ...
عايشه مسحت دموعها :- اااااااااه وينج يانوره ويييييين
نوره كانت تتمشى وحيده في شوارع مصر كانت تفكر في حياتها ,,, دنيتها ,,, اخرتها ! ,,, كانت تفكر في امها ,, ابوها ,, عايشه ,,, هيفاء ,,, ميساء ,, زين ,, ريان ,, ساره ,,,مريم ,,, فاطمه ,,, منار ,,, اهيه سافرت عشان تنسى كل شي وتحاول تعيش حياه يديده بس وين والذكريات لاحقتها وين ماتروح ........
في مكان ثاني في مصر كانت منار في غرفة الفحوصات ورائد في مكتب دكتور منار
الدكتور واسمه اسماعيل :- انا هعملها العمليه بس قبل العمليه عاوزك تعرف حاجتين الاولى ان الاعمار في يد الله ,,,,, والثانيه ان نجاح العمليه متوقع 100 % بس فرصة منار في الحياه اقل من الواحد بالميه لان زي مانتى شايف السرطان منتشر في جسمها بنسبة 70 % وتاخرها في العلاج كان اكبر غلط
رائد قال للدكتور بكل تحدي وخوف !:- مثل ماقلت الاعمار بيد الله ولو الامل ضعيف يبقى الامل موجود
الدكتور ابتسم لرائد :- حلو جدا يالله يامان خلينا نروح للمدام
راحو لمنار اللي التعب كان واضح في عيونها
رائد :- حبيبتي شفيه ويهج تعبانه اييب لج ماي
منار :- لا حبيبي شقالك الدكتور
رائد :- الحمدلله طمني حبيبتي لو شديتي حيلج وقويتي اكثر ان شاء الله بتقومين بالسلامه وبنعيش ويابعض وبنترس البيت يهال
منار من التعب اللي اتحسه ومن التقارير اللي جافتها عرفت ان رائد ماكان يقول الصج وان يبي يعطيها الامل وبس او الوهم ! ماحبت تتكلم وتعور قلبه وبالرغم من انها تعرف كل هالشغلات ماضعفت بالعكس حست ان هالمرض نعمه من الله وان الله يبي يطهرها من ذنوبها وحست ان الله يحبها اللي اعطاها فرصه قبل ماتموت انها اتوب وبعد شكرت ربها ان اعطاها ريال يموت فيها مثل رائد غمضت عيونها ويودت يد رائد وقالت له :- الله لايحرمني منك ...
رائد ابتسم وحط راسه في حضنها ويود يدها وتم يدعي الله بينه وبين نفسه
في البحرين
فاطمه كانت في بيت يدتها وانشغلت معاهم وايد وماكانت تدري بشي لا عن سفر نوره ولا بنية عايشه وميساء بالسفر وراها كان كل تفكيرها شلون اتيود عيال خوالها الشياطين
فاطمه :- تيته جوفيهم غربلوني
تيته :- باجر لاعرستي شبتسوين وياعيالج
فاطمه :- ههههههه ومن قالج اني ابي اعرس
تيته :- ليش شفيج غير عن البنات
فاطمه اللي تبي ترقع الموضوع :- ولا شي بس اخاف لاعرست انحرم من جوفتج يالغاليه
تيته :- عيارتج
محمد :- قوه تيته
فاطمه :- قوتين ولد العم
محمد :- لووول انا قلت تيته رازه الويه ليش
تيته :- حدك على فطيمه مارضى عليها
محمد :- افا الحين قلبتو علي لا لا صج شله تضحكون
تيته :- فطوم تقول ماتبي تعرس وتهدني
محمد :- ههههههههههههههههههههههههههههههههههه
فاطمه :- بسم الله الرحمن الرحيم ،،،،،سكنهم في مساكنهم ،،،،،،،شفيييييك ..........!!!!!!!
محمد :- عاد اتخيل ويهج وانتي يازعم في العرس هههههههههههههههه ويالسبايكي
فاطمه :- ارجوك انت ويافيسك جنك همبه عاصرينها هههههههههههههه
تيته :- فطيمه من هاي سبايسي من وين تعرفينه
فاطمه يودت المخده وقطتها على محمد :- زين الحين بلشتني
تيته :- !!!!!!!!!!!!!!!!!!
محمد :- اتغشمر هههههههه اتغشمر
اما في تركيا
فهد :- حبيبتي جوفي هني صورو مسلسل نور
مريم :- اللاي وناسه خلينا ندخل
فهد :- اي بندخل وبنصور ههههه يالله ...
مريم :- يالله ....
دشو قصر مهند ونور وتمو يصورون وكان شكلهم كيوووت وعقب راحو لمطعم ع البحر يريحون
مريم :- حبيبي ولهت للبحرين ولربعي ولاهلي وللكل خلينا نرد
فهد :- حتى انا وحشتني دلوله بس اخاف لا ردينا تنسيني
مريم بخجل :- شلون انساك انا مرتك يالدب
فهد فرص خدود مريم :- فديت الخجل انا
مريم رفست فهد من كثر ماهيه مستحيه وفهد كان يبي يعاندها قام رفسها وتمو يرفسون بعض مثل اليهال ......!
في البحرين وبالتحديد في المطار .......
ميساء وعايشه كانو يختمون جوازاتهم استعدادآ للسفر وكلها ربع ساعه واهمه في الطياره وكلهم امل انهم يلقون نوره ,,, نوره اللي كانت في حجرتها بين اربع طوف واللي كانت تحترق بنار الوحدهـ وحيدهـ .......




avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 8:14 pm

في مطار الكويت
عايشه :- صعبه اندورها من غير سياره
ميساء :- مو مشكله بناجر وحده
عايشه :- اوكي يالله
في مكتب السياره وبعد مامرت ربع ساعه
عايشه خذت المفاتيح ولفت الكويت لف راحت كل المستشفيات والاماكن العامه والفنادق كل مكان كل مكان ولا لقت نوره
ميساء :- خلاص ياعايشه لازم نرد البحرين
عايشه :- ونوره
ميساء :- جوفة عينج مالقيناها
عايشه :- ----
ميساء حطت يدها على جتف عايشه :- لاتخافين احساسي يقول ان بنلقاها وفي البحرين بعد
عايشه :- كل خير ان شاء الله
عقب ردو البحرين وكل وحده راحت بيتها في بيت عايشه عايشه دشت ووسلمت على امها وراحت دارها ,,, صكت الباب وانسدحت ع السرير من التعب
عايشه :- معقوله تكون في البحرين !!! لا مستحيل شلون عيل اسمها في قايمة المسافرين ... افا بس يانوره انا عايشه اللي احبج واموت فيج تسوين فيني جذي حتى وداع ماودعتيني يعني انا بسهوله بانساج !!! الله يسامحج للحين ماعرفتي قدرج
وفي نفس الوقت في مصر كانت نوره منسدحه ع السرير وتفكر بعد في عايشه
نوره تكلم روحها :- وغلاتج مستحيل انساج ياعايشه واتمنى من كل قلبي تفهمين موقفي بس يارب تكونين قريتي الرساله
اما الوضع عند رائد ومنار
رائد :- حبيبتي شتسوين
منار :- اطبخ لك حبيبي
رائد :- ادري بس ليش انا مو يوعان ولو يعت كلش كلش باطلب ولاا باطبخ لي شي ع السريع اهم شي راحتج
منار :- اها يعني ماتبي تذوق طباخي
رائد :- ان شاء الله عقب مااتتعافين باذوقه كل يوم
منار سكتت حست روحه عله على قلب رائد ورائد حس من سكوتها انها زعلت
رائد :- حبيبتي ماقصد انا والله بس ابي راحتج
منار :- لا ماخذت في بالي
رائد :- ايه عليج اممم خلاص انا باقعد ع الطاوله وباتم اغني وانا انطر وجبتي من زوجتي العزيزه
منار ابتسمت وكملت طباخ ورائد تم يغنيلها
رائد :- طب خلي الدنيا اتضايقك يوم وشوف انا هعمل ايه في الدنيا علشانك انا اتحدى الكون ولا اشوف دموعك ثانيه ..... مناااااااااار
منار اغمى عليها رائد شالها وحطها ع السرير وعطاها شوية ادويه تريحها
رائد :- ماقلت لج لاتعبين روحج شسوي في روحي انا لا صار لج شي !
منار :- ا س ف ه اسفه رائد بس دخت شوي
رائد :- اسم الله عليج يالله هانت مابقى الا جم يوم للعمليه وبتردين مثل قبل واحسن ياااااااااااااااارب
اما في البحرين وبالتحديد في غرفة فاطمه اللي كانت قاعده ع المسن
فاطمه :- من هالمزعج اللي صار له سنه يدز لي هزات :@
بطلت المحادثه واللي تجوف محمد ولد العم
فاطمه :- حموووووود ويعه ان شاء الله قول اميين اذيتني
محمد :- تويعج قولي امين ,,, ابي سيدي حرام عليج خذتيه معاج
فاطمه :- اي سيدي !!!!!!
محمد :- مال كرااااااش
فاطمه :- انزين انزين ماصار شي باجر تعال واخذه
محمد :- علبالي بعد دبه
فاطمه :- انت الدب
مرت الايام منار سوت العمليه والعمليه انجحت مثل ماتوقع الدكتور بس للحين المرض منتشر فيها وللحين منار تنتظر رحمة ربها رائد من حبه لها مايفارقها لحظه كان مثل الشمعه اللي تحترق عشان منار ماتنطفي ,,, عايشه مابي اوصف لكم حالتها يوم عن يوم تنتظر نوره بس نوره بدت حياه يديده وبرايها ان مستحيل ترد البحرين مره ثانيه لو شيصير نوره في مصر عايشه حياة كلها .....الم وخوف ووله وشوق اما ميساء ,,,,,,, فاطمه صارت وايد كلوز ويامحمد خصوصا انهم يحبون الفيديو قيم بجنووون ,,,, مريم وصلت البحرين ويافهد وطلعت في بيت بروحها اهيه وريلها ودلال وتحاول قد ماتقدر تعوض دلال عن حنان امها اللي فقدته وبعد تحاول توفق بين الدراسه وبيتها شرايكم في مريم خطيره لا ؟ اما ساره فصارت تتواصل ويامنار ع المسن وابشركم اهيه ومنار الحين ربع وبس لا يمين ولا يسار اما ميساء فتحاول قد ماتقدر توقف وياعايشه وماتفارقها لحظه ..... عندي لكم خبر خطير عن حصه ومراد ........ مثل ماتدرون حصه عقب العمليه اللي سوتها الدكاتره اجزمو انها ماتقدر تحمل مره ثانيه بس الله عطاها على قد نيتها .... واليوم حصه حامل " بهيفاء " لاتستغربون قررت تسمي بنتها هيفاء على روح المرحومه هيفاء ومراد طايره فيه الدنيا اخيرن بيصير ابوو !! وفوق كل ذي الامل في قلب حصه مانطفى من الرغم من حالتها وحملها وانشغالها في جمعيتها قررت حصه تكمل دراستها ومراد اهوه اللي شجعها على هالشي اما سلمان فعايش احلى ايام عمره ويافاطمه وكل يوم يحن عليها يبيها تحمل عشان تولد ويا حصه واخوهم عيسى صار وايد يغاااار لان مايهتمون فيه مثل قبل ومابيصير اخر العنقود في العايله اما منى وناصر فقاعدين يعدون الايام عد وينطرون الفاينل عشان يردون البحرين باسرع في وقت ......
في الجامعه فاطمه وساره ومريم وعايشه وميساء وحصه كانو قاعدين ويابعض في الكفتيريا
مريم :- دلوله ماشاء الله عليها اتيين الله يحفظها وفهد فدييييته انا كل يوم عن الثاني يكبر حبي له الله لايحرمني منهم اثنيناتهم
فاطمه :- اي وينهي اللي كانت تبي تصير صبي
مريم ابتسمت :- الحمدلله ايام وولت والحمدلله الله هداني والفال لكم
ميساء :- الحمدلله كلنا تركنا سوالف البويات ,,,, كلنا خذنا وفاة هيفاء الله يرحمها عبره لنا
فاطمه :- عوش وين وصلتي
ميساء :- عايشه بس بيذبحج التفكير
ساره :- خلاص ياعايشه تمني لها الخير وين ماكانت
عايشه :- ليش يعني انا اعرف اهيه حيه ولا ميته ,,, شلون عايشه الحين ,, شتسوي ,,, ومع من قاعده وليش سوت جذي ليييييش
ساره :- الله يعلم في كل اللي قلتيه والله شاهد ان احنا زعلانين عليها مثلج بس شنسوي ماباليد حيله
عايشه :- اانا باروح الحين
ميساء :- وين
عايشه :- خلصت محاضراتي ..باروح البيت
ميساء :- لحظه باوصلج
عايشه :- لا ماله داعي يالله باي
الكل :- باي
راحت عايشه واهيه في باركات الجامعه
سيف (( في نفس تخصص عايشه .....وبصراحه يحب عايشه ويموت فيها بس عايشه ماتدري مع ان حاول يلمح لها وايد )) :- قوه عايشه
عايشه :- هلا سيف
سيف :- شلونج
عايشه :- بخير وانت
سيف :- الحمدلله بخير اممم عايشه بغيتج في موضوع
عايشه :- تفضل
سيف :- عاد هني مايصير !!!! تعالي نروح الكفتيريا ونتكلم
عايشه :- لهدرجه الموضوع مهم
سيف :- واييييييد
عايشه :- اوكي
في الكفتيريا
ساره :- مو جنه هاي عايشه
ميساء :- اي والله بس من هاي اللي معاها
مريم :- هاي سيف ويانا في السكشن
سيف :- شتشربين
عايشه :- ولا شي ادخل في الموضوع
سيف :- عصير همبه اوكي
عايشه :- اوكي بس يالله ادخل في الموضوووع
سيف :- اوكي تفضلي
عايشه :- ؟؟؟؟
سيف :- كل شي ابي اقوله كتبته هني يالله مع السلامه
راح سيف وحط لعايشه ظرف وعقب عايشه قامت والظرف في يدها ولما وصلت البيت قبل ماتنزل قرت الرساله
عايشه :- معقوله !!!!!!!! كل ذي يطلع من سيف !!!!! يحبني وبيتقدم لي ......
بعد مرور سنه
حصه :- مراد مراد
مراد :- هلا حبيبتي
حصه :- مراد هيوفه تبجي حطها في حضني بارضعها
مراد :- ان شاء الله
حصه :- الله لايحرمني منك
مراد :- ولامنج ,,, يالله حبيبتي باجوف من يطق الباب
حصه :- اوكي
مراد :- ياااااي ياااااي ... يه !!! سلمان حياك حياك شلونك شخبارك شلونج فاطمه
سلمان :- الحمدلله بخير انت شلونك شلون ام هيفاء
مراد :- الحمدلله تمام
سلمان :- حصيص في دارها
مراد :- اي تفضلو
في دار حصه
حصه :- سلمان ,,, فاطمه !!!
سلمان :- شلونج يالغاليه شخبارج
حصه :- الحمدلله شلونج فاطمه
فاطمه :- بخير ربي يسلمج
حصه :- ماقدر ع الحوامل
فاطمه :- ههههه جفتي
الكل :- ههههههههههههه
اما في بيت عايشه " اليديد "
عايشه :- سييييف الحق علي سيييييف
سيف :- شفيج حبيبتي
عايشه :- باووووولد ماقدددددر ااااااي
سيف مايعرف شيسوي عايشه تولد مايه في باله يدق ع الاسعاف ومايعرف شلون يتصرف في نفس الوقت يات ميساء الخدامه بطلت لها الباب !!! ركضت لفوق من الصراخ
ميساء :- عاااااايشه
سيف :- يامعوده الله يابج عايشه قاعده تولد ماعرف شسوي
ميساء :- انا باولدها
سيف بخوف :- شنوووووو
وعقب ربع ساعه
ميساء ولدت عايشه بنجاح
سيف لم البنيه لحضنه وحب عايشه على راسها
ميساء :- الحمدلله
عايشه دمعت لما جافت بنتها حست باحساس غريب احساس الامومه العجيب
سيف :- حياتي جوفي هاي بنتنا
عايشه والدمعه في عيونها :- ايي
بعد مرور هالسنه احداث وايد تغيرت عايشه تزوجت سيف ويابت بنوته حلوه سموها نوره وميساء بعد تزوجت ..........احمد !! تزوجها بعد ماحبو بعض بس للاسف ميساء ماحملت وصار عندها تاخر في الحمل بس هاي ماغير شي من حب احمد لها واملهم في الله كبير فاطمه تزوجت محمد بعد قصة حب الكترونيه !!! وشايلين فكرة الانجاب من بالهم نهائيأ اما ساره فعايشه احلى ايام عمرها ويا يوسف وكل يوم حبهم يكبر اي نعم " حبهم " هاي الحب الحقيقي مو الوهم اللي نعيشه باسم " الحب " اما بخصوص ابطالنا اللي صار لهم سنه واكثر معلقين في مصر
في غرفة الدكتور اسماعيل
اسماعيل :- انا هكون معاكم صريح ياجماعه الحمل ده مستحيل يستمر
رائد :- لييش
اسماعيل :- استاذ رائد مراتك حامله بمرض ومش اي مرض سرطان الدم وهالحاجه ممكن تاثر على الجنين وتمنع من ولادتو ولو انولد هيكون حامل لنفس المرض
منار :- ----
رائد :- حبيبتي يالله نمشي
منار :- يالله
رائد :- عن اذنك
اسماعيل :- في حفظ الله
في شقة منار ورائد
منار والتعب باين في عيونها والاعراض صارت واضحه فيها كانت منار مثل الورده الذبلانه وكانت احساس انها بتموت واللي زادها كلام الدكتور :- رائد
رائد كان معطي منار ظهره وكان يمسح دموعه عشان منار ماتجوفه :- عيوني
منار :- خليني نرجع البحرين
رائد :- بس انتي للحين ماخلصتي علاجج
منار :- حبيبي لاتبجي عشاني كافي تعبتك معاي ارجوك دموعك هاي ماقدر اجوفها
رائد خلاص ماقدر ايود روحه اكثر تمت يصيح مثل اليهال دموعه كانت كلها قهر وخوف :- ماقدر حبيبتي ماقدر اعيش من غيرج لاتخليني انا من غيرج ضايع امووت تعبت كل اللي احبهم يروحون حتى ولدي اللي للحين مانولد بيروح عني
منار والدموع تحرق ويها :- اسفه لاني مافرحتك في يوم اسفه لانك بجيت عشاني بس مو بيدي والله انا لو اقدر حطيتك في عيوني
رائد :- ارجوج كملي علاجج للنهايه الله يخليج اترجااااج
منار :- رائد ... صار لنا اكثر من سنه هني العلاج مافاد وحياتي مستحيله انا باموت يارائد ومابي اموت هني ابي اموت وسط اهلي وربعي ارجوك افهمني ابي اودعهم
رائد لم منار وعقب نامو من التعب
في الليل طلعو ويا بعض
في السياره
منار :- حبيبي راسي يعورني خلنا نتمشى شوي
رائد :- اسم لله عليج ,,, وقف السياره وتم يمشي ومنار في حضنه
رائد :- حبيبتي شفيج
منار ساكته او مصدومه
رائد :- حياتي ؟!!!!!!!!؟
منار :- نووووووره !!!!!!!
رائد :- شنووووو !!!!!
انا باقولك يارائد شجافت منار جافت بنيه شعرها طويل واسود وجسمها صار اضعف من اول جافت وحده مو غريبه عليها باختصار جافت .....نوره &&
منار مشت لنوره ونوره اول ماجافتها قطت روحها في حضن منار ماقدر اوصف لكم شعور نوره ماكانت تبي تهد منار لمتها بقوه جنها تقول اخيرن جفت وحده اعرفها نوره عاشت هالسنين وحيده ومره وحده تجوف منار صج صج استانست
منار :- افا ليش تبجين وشتسوين هني انا خبري انتي في البحرين
نوره من سمعت البحرين تذكرت امها ,, ابوها ,, عايشه ,, ميساء ,,, ساره ,,, مريم ,, فاطمه وتذكرت ذكريات قديمه حلوه وصعبه عليها
نوره :- موضوع طويل
منار :- تعالي معانا وبنتكلم
رائد :- عيل انا اخليكم
منار :- لا حبيبي عادي
رائد :- لا اخذو راحتكم وانا باروح اخلص اجرائات السفر التذاكر وهالسوالف
منار :- اوكي حبيبي تحمل بروحك
رائد :- وانتي بعد
منار كانت تمشي ويدها في يد نوره وعقب ربع ساعه
منار :- وليش سويتي جذي !!!!!
نوره :- الخووف يامنار الخوووف من المستقبل ومن الوحده والخوف اني اخسر كل اللي احبهم
منار :- مافكرتي في امج ,,, في ابوج شنو حالتهم الحين سنين مايدرون عنج مافكرتي في عايشه وفي كل اللي يحبونج
نوره كانت تبجي وياكلمات منار اما
منار :- الو حبيبي
رائد :- هلا حياتي
منار :- حبيبي احجز تذكره زياده ......نوره بتسافر معانا
نوره طالعت منار بنظرة ان لا بس منار ماهتمت
رائد :- من عيوني
منار :- تسلم لي عيونك
نوره :- انا مابرد البحرين
منار :- نوره طالعيني حطي عينج في عيونج عاجبتج حالتج جذي قاعده في الغربه ومعذبه روحج ومعذبه اللي يحبونج ..... ليش انزين ردي البحرين وواجهي الكل ولاتتهربين من مخاوفج اللي بهالطريقه مستحيل تنتهي طالعيني لا قولي لي انج ماولهتي لاهلج ماولهتي لعايشه لاتقولين لا عيونج تفضحج
بس نوره ماقالت لا ولا قالت ايي لمت منار وكانت تشكر الله ان هالكابوس اللي تعيشه راح ينتهي قريب
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 8:22 pm

عايشه :- نوره !
نوره ماقالت شي تمت ساكته ومبتسمه لعايشه
عايشه :- ايه عليج وحشتيني وايد واييييد اي نوره جوفي هاي بنتي سميتها " نوره " على اسمج وعشان تبقين معاي على طول
نوره هم ساكته ومبتسمه لعايشه
عايشه :- نوره شفيج ساكته .... ولهت عليج ولهت على صوتج قولي اي شي انتي ماولهتي علي ؟
نوره :- ديري بالج على نوره الصغيره ...حطيها في عيونج ...... عايشه ابيج تعيشين حياتج وتنسيني لاتبجين لو جفتيني ميته ..... في حفظ الله
عايشه :- نوووووره انتي شتقولين وين بتروحين نوووووره نووووره تعالي نووووووووووووووووووره !!!!!!!!!!!!!!!!


















عايشه :- نوووووووووووووووووووووووورررررررررررررررره
نوره الصغيره تمت تبجي اما
سيف :- بسم الله الرحمن الرحيم شفيج حبيبتي شكلج حلمانه
عايشه والدموع في عيونها :- جفت نوره قالتي لي ديري بالج على نوره الصغيره وراحت فاهمني ياسيف رااااحت راااااحت
سيف :- اسم الله عليج الرحمن الرحيم هاي الا حلم حبيبتي ونوره ان شاء الله مافيها الا العافيه
عايشه :- انا باقوم ارقد نوره
سيف :- لا حبيبتي قعدي انا باقوم اجوفها
عايشه حطت راسها ع السرير ..... غمضت عيونها لحظه وجافت نوره مثل ماجافتها في الحلم حست انها بهالطريقه مستحيل تنام نزلت تحت وبطلت اللاب توب كانت تبي تدخل على ايميلها وتتذكر ذكريات ايام نوره وربعها ... بطلت الايميل ... الانبوكس ... عدد الرسايل 188 بييييه انا من زمان ولا ادري عن ايميلي وبعدين شهالرسايل كلها فورود احسن شي اصك اللاب توب واقوم اصلي لي ركعتين
قامت عايشه وصلت لها ركعتين وعقب راحت دارها جافت سيف نايم حبته على راسه والحمدلله قدرت تنام
حسافه عايشه بطلت الايميل بس ماجيكت ع الرسايل ولا جان جافت رسالة نوره اللي للحين ماتدري عنها ........!
في مصر
نوره خذت اغراضها وراحت شقة منار ورائد والصبح ان شاء الله بيسافرون كانو ثلاثتهم قاعدين في الصاله يجوفون فيلم ويتعشون
منار :- انا مو مصدقه روحي اخيرن بارد البحرين اااااااه ياني ولهانه عليها
نوره :-وانا مثلج واكثر ابي اجوف امي وابوي وربعي وابي اجوف عايشه واعتذر لها
رائد :- يالله هانت كلها جم ساعه ونكون فيها
منار :- نوره انتي تدرين ان اغلب البنات الحين تزوجو ... مريم وفاطمه وميساء وساره وحصه وعايشه الحين كلهم تزوجو ايي وحصه يابت بنيه سمتها هيفاء على اسم هيوف الله يرحمها ويغمد روحها الجنه ،،،، دمعت عيون منار ،، وحشتني هيفاء مادري شلون انا عايشه من غيرها قلبي يحترق كل ماتذكرتها كانت من اعز الناس على قلبي
رائد لم منار ونوره كانت تحاول اتيود دمعتها طبعا منار قالت لنوره ان عايشه تزوجت بس ماقالت لها انها يابت بنيه ومو اي بنيه .... نوره !!!
عقب ربع ساعه
نوره :- انا باودي الصحون المطبخ
رائد :- خلج خلج انا باوديهم عيب انتي ضيفتنا
نوره ابتسمت لرائد قام رائد وشال الصحون اما نوره فجافت منار مغمضه عيونها ابتسمت وقامت بتلحفها ..... لا لحظه منار مو نايمه منار ........ رااااااااااااااااااائد !!!!!!!!!!!!!!
عقب نص ساعه في المستشفى
رائد :- دكتووووووووور بشررررررررررر !!!!!
الدكتور :- انا اسف ياجماعه المريضه حالتها خطره جدآ واحنا مانقدرش نعمل حاجه ساعاتها في الحياه بقت محدوده
في نفس الوقت في بيت ساره
ساره فز قلبها قامت من النوم ويوسف حس وقام معاها
ساره :- مناااار !
يوسف :- شفيها !!
ساره :- قلبي ناغزني احس ان فيها شي
يوسف :- وه !!تعوذي من ابليس ان شاء الله مافيها الا العافيه !!
عقب يوسف تم يقرى على ساره ويحاول يهديها بس وين تهدى ساره وقلبها حس بحالة منار
نجوف شصار في مصر وبالتحديد في منار!! رائد ونوره دخلو غرفة منار والخوف في عيونهم والدموع على خدودهم
رائد من جاف منار قط روحه في حضنها وتم يبجي :- منار تكفين لاتخليني اانا مالي غيرج
نوره ساكته مو قادره تتكلم الموقف كان اصعب منها
منار طالعت رائد :- رائد
رائد يود يد منار :- لبيه ياعيون رائد
منار كانت تبجي بحرقه :- مابي اموت هني ابي اموت في البحرين ابي اموت وسط اهلي ارجوك خلينا نروح البحرين في اسرع وقت
رائد :- انتي مابتموتين مابتموتييييييييين لاتقولين جذي لاتذبحيني
نوره :- رائد احنا لازم نسافر الحين جوف حالتها لاتكسر قلب منار يارائد
رائد قعد الارض وتم يبجي :- مابيها تموت اانا احبها احبهاااااا
نوره :- ولانك تحبها لازم توديها البحرين في اسرع وقت امش خلنا نروح للاداره وبيودونها في طياره خاصه منار بتعيش ،،، شاء الله لو الله كتب لها عمر بس الحين لازم مانكسر في خاطرها
راح رائد ويا نوره وكان طلبهم مستحيل لان الدنيا ليل وماكو طيارات اما منار فغمضت عيونها وتمت تتذكر ايام زمان تذكرت طفولتها مراهقتها حياتها زواجها وتذكرت كل اللي تحبهم وكانت تبجي لانها حست ان ساعتها قربت .........
رائد ونوره بعد صعوبه لقولها طياره بس المشكله ان الطياره مااتييزي الا لشخصين والطيار الثالث واهمه ثلاثه
نوره :- رائد انت روح ويامنار
رائد :- وانتي
نوره :- انا مو مهمه الحين انا بالحقكم في اقرب وقت اهم شي منار وانت لازم تكون معاها @@
منار :- نوره
نوره :- عيوني
منار :- اوعديني انج بتلحقينا
نوره :- اوعدج
نوره لمت منار وودعتها وقالت لرائد يدير باله عليها منار ورائد سافرو للبحرين ونوره تمت في المطار تنتظر موعد طيارتها اللي المفروض يكون 7 الصبح
اول ماوصلو البحرين الاسعاف كان في انتظارهم وصل منار لبيتهم منار كانت ع السرير ورائد مارضى يخليها تقوم.... بيت منار انترس دموع منى لمت اختها بشوق وحنيه ونفس الشي صار مع ام منار اللي كانت تبجي بقوه على حال بنتها
منار :- منى
منى :- عيون منى ،،، روح منى ،،،، امري ....
منار :- اتصلي في ربعي ابي اجوفهم
منى اتصلت في الكل والبنات كلهم ياو ركيض الا ساره اللي كان تلفونها مغلق
الكل في الصاله عايشه وميساء ومريم وفاطمه وحصه واهل منار ورائد اللي كان يبجي من غير شعور
ميساء :- لاتخافين يالغاليه ان شاء الله بتقومين بالسلامه
منار :- ديري بالج على روحج ميساء وسلمي لي على احمد كان ودي اجوف الفارس المغوار اللي خذ قلبج
ميساء ابتسمت وكانت تعرف ان منار تبي تغير جو
عايشه :- منااااااار ،،، وتمت تبجي
منار :- عايشه نوره تسلم عليج
عايشه :- اي نوره !!!!!
منار :- نوره نوره اللي كانت معانا نسيتيها تسلم عليج
عايشه :- وانتي وين جفتيها
منار :- في مصر كلها ساعات وتكون في البحرين
عايشه لمت منار من صوب وفاطمه ومريم من صوب ثاني وتمو ويا بعض اما ميساء فكانت تجوف ويه منار والصدمه في عيونها ويه منار تغير وتغير وايد خذت ميساء روحها وراحت لبيت ساره عشان تجوف منار بس ساره ماكانت في البيت!!!
&
&
&
اهلا وسهلا بكم في مطار البحرين .....
نوره وصلت البحرين ووفت بوعدها لمنار راحت نوره بيت منار على طول وكانت تعرف ان الكل بيكونون هناك جافت الباب مبطل دشت وجافت كل اللي تبي تجوفهم ماقدر اوصف لكم فرحتهاااااا كانت مثل الطير اللي طار وبعد لين مارد لبيته واحبابه وعايشه استانست وايييييد ولمت نوره بكل ذرة شوق فيها
عايشه :- وحشتيني
نوره :- انتي اكثثر
عايشه :- ليش سويتي جذي ليش رحتي ليش
نوره :- غصبن عني ماكان عقلي في راسي
عايشه طلعت صورة بنتها نوره وعطتها لنوره :- هاي بنتي .... سميتها نوره على اسمج
نوره دمعت واستانست ان في احد في غيبتها تذكرها خذت صورة نوره الصغيره وحبتها
مريم :- نوره شلونج وحشتيني
نوره :- انتي بعد ،،،، وتمو يلمون بعض واخيرن كلهم اجتمعو ....
منار :- عايشه ودي نوره لبيت اهلها اكيد الحين ولهانين عليها
عايشه :- ماقدر اخليج وانتي ،،، قطعتها منار واهيه تقول عشاني ابي اطمن على نوره قبل مايصير فيني شي
عايشه خذت نوره وراحو لبيت اهلها وفي الطريج عايشه عاتبت نوره على اللي سوته وخذت منها وعد انها ماتعيدها اقين اما نوره فقالت لعايشه عن موضوع الرساله وزعلت ان عايشه ماجافتها للحين لما وصلو لبيت اهل نوره كان الباب اللي برع مقفول بقفل عود وتمو يطقون الباب ومحد يرد وعقب طلع لهم واحد من الجيران واسمه منذر
منذر :- ياجماعه مافي احد في البيت
نوره :- وين راحو
منذر :- هيييييه من زمان عطوكم عمرهم
عايشه :- شنوووووووو
منذر :- صاحب البيت ومرته عطوكم عمرهم في حادث سياره وينكم وين صار لهم اكثر من سنه !!!
كانت صدمه كبيره على نوره حست روحها بتنشل قامت تصارخ من غير شعور لااااا لااااااااااااااااااا لااااااااااااااااااااا
عايشه :- نوره شفيج نوره هدي نوره
نوره تمت تركض من شارع لشارع وتصارخ لااااااااااااا لااااااا ماباقول نفس الميانين !!! لان نوره خلاص ينت وعايشه حست بهالشي لانها كانت تمشي وتصارخ واطق روحها وتخربط في الحجي عايشه ماركضت ورى نوره راحت ركيض لسيارتها وتمت تلحقها على الاقل بالسياره بتقدر تسحبها لداخل بس نوره دشت داعوس والسياره ماتدخل نزلت عايشه من السياره وركضت ورى نوره اللي طلعت على طول من الداعوس للشارع العام
عايشه :- نوووووووره سياره نوووووره انتبهي نووووووووووووووره لااااااااااااااااااااااااااااااااااااااااااااا !!!!!!!!!!!!!!
الله واكبر الله واكبر اشهد ان لا اله الا الله اشهد ان محمد رسول الله ....... مع اذان الظهر نوره رحلت عن هالدنيا....
ساره كانت في المستشفى ويا يوسف وكانت مستانسه وايد لانها يابت " منار " اي نعم منار ساره كانت حامل وولدت قبل وقتها ومحد كان يدري حتى يوسف وكانت تلبس وسيع عشان محد يلاحظ حبت تسويها مفاجاه وصج كانت مفاجاه حلوه على قلب يوسف ،،،منار الصغيره حطوها في الشيشه لانها انولدت قبل وقتها بوايد بس هالشي مايمنع انها بنوته حلوه مثل القمر الله يحفظها لساره ويوسف ....... اما ميساء فعيزت واهيه ادور ساره راحت بيت منار جافت الباب مبطل ،،، كل من قاعد يبجي !!!!!!!!!!! ومناااااااار ماخذها الاسعاف .....................!!!!!!!!!!!!!!!!!!!!

























































بعد مرور خمس سنوات
ساره :- منار حبيبتي تعالي بالبسج
منار الصغيره :- ماما وين بنلوح (( بنروح ))
ساره :- ياعيون ماما انتي لبسي وبتعرفين
يوسف :- الله يحفظ لي هالملاكين
ساره لمت يوسف ويوسف شال منار :- ويحفظك لنا يابومنار .....
اما في بيت عايشه
عايشه :- نوره حبيبتي هههه شفيج منطقره
نوره :- ماما كل ربعي يروحون السيتي بروحهم شله انا لا
عايشه تذكرت نوره اللي كانت تموت ع السيتي ابتسمت لنوره الصغيره وقالت :- ااااخ منج يالنتفه للحين ماكملتي السبع سنوات وتبين تروحين الستي
نوره :- كل ربعي يروحون
عايشه :- امممم انزين الحين قومي لبسي ورانا مشوار
نوره :- السيتي؟؟؟؟؟ :d
عايشه ضحكت وشالت نوره لدارها
اما في المستشفى ميساء كانت مستانسه وايد كانت تركض ركيض تبي توصل البيت وتبشر احمد انها ...... حامل !!!!! بس قالت باكلمه في الليل احسن وبتكون احلى مفاجاه لحبيبي احمد والحين باروح لـــ <<<...>>>
في جمعية حصه حصه كانت قاعده ويا مراد وهيفاء ينطرون البنات اللي كانت حابه يكونون موجودين في افتتاح اول فرع لجمعية دار الامل
حصه :- حبيبي تاخرو
مراد :- وهاي منار ورائد وصلو
منار لمت حصه :- شلونج حبيبتي
حصه :- بخير حبيبتي البنات تاخرو
منار :- في الطريج يايين
وعقب نص ساعه الكل كانو موجودين وتم افتتاح اول فرع لجمعية حصه جمعية دار الامل والكل كانو مستانسين منار وعايشه وميساء وسارهـ وحصه وزين واحمد ويوسف ورائد وسيف ومراد و نوره ومنار وهيفاء و ريان ....
عايشه عقب وفاة نوره تمت ثلاث شهور تحت الصدمه وكانت الدنيا ضايقه فيها بس بوجود سيف ونوره رجع لها الامل واللي شجعها رسالة المرحومه نوره اللي كان عنوانها "روحي تحبك " كانت هالرساله مثل النور في ظلام رحيل نورهـ اما ميساء فبعد هالسنين قدرت اخيرن تحمل بفضل الله ثم بقوة ايمانها اهيه واحمد ،،، ساره مثل ماتعرفون يابت منار الصغيره وعايشه احلى الايام اهيه ويوسف ومنورهـ ،،، بخصوص منار منار بقدرت الله سبحانه وتعالى كملت حياتها وكانت احلى معجزه صارت لرائد بس للاسف خسرت البيبي لكن مو مشكله اهم شي قومتها بالسلامه تسوى الدنيا ومافيها ،،،، حصه ومراد افتتحو اول فرع لجمعية دار الامل وحياتهم جميله اما ريان فعقب خمس سنوات ومن عقب ماودعت البحرين واهيه ذيج البنيه الضايعه ردت ببالسلامه وردت الدكتوره ريان واهيه الحين مخطوبه لولد عمها مشاري اما سلمان اخو حصه فعنده اليوم بنتين وثلاث صبيان الله يحفظهم ان شاء الله وبخصوص منى وناصر فتخرجو من الجامعه وصارو من اشهر الدكاتره في الديره والتوائم الثلاث ان شاء الله بيمشون على خطاهم .........
كل الشكر لكل من تابع الروايه
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 8:25 pm

سامحوني على القصور Very Happy
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف Beesho0o في الخميس مارس 03, 2011 8:56 pm

عجيييبه والله تسلمييين حبي ماقصرتي يابعد جبدي بس والله خوش قصه الي اثر فيني موت هيفاء شيطووونه الروايه الي بتحطينها مانبيها تضيق الخلق هههه طرار ويتشرط ثانكس اقين ياللووووز Very Happy
avatar
Beesho0o

عدد المساهمات : 818
تاريخ التسجيل : 19/07/2010
الموقع : الكويت

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الخميس مارس 03, 2011 10:30 pm

ولو حبي بيشو انتي اللوووز والله :**
لا هالمره بحط روايه خياليه من الدرجه الاولى ... بس انتو قولولي تبون خيالي اور نو ؟
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف abu.alsho0osh في الجمعة مارس 04, 2011 1:23 am

شيطونه .. تسلمين اختي علي الروايه الرائعه .. عجيييييييييييييييييييبه

وكل اللي من ايدج حلو .. خيال او غيره ..
مشكووووره
avatar
abu.alsho0osh

عدد المساهمات : 524
تاريخ التسجيل : 14/09/2010
الموقع : fe 3eshg al5yaal

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف Lady-5arabo في الجمعة مارس 04, 2011 4:18 pm

واااي كنت خاايفه انه تموت منار بس ماتوقعت نوره تموت Crying or Very sad


مشكووره حياتي على القصه الروووعه وربي خيااال
avatar
Lady-5arabo

عدد المساهمات : 238
تاريخ التسجيل : 31/10/2010
العمر : 27
الموقع : kuwait

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف ب87ـوية في السبت مارس 05, 2011 12:06 pm

تسلم الأيادي على الطرح

رواية في قائه الجمال تسلم يد كاتبها

ودوم أبدعوا في طرح كل ماهو رائع

دمتم بحفظ الله
avatar
ب87ـوية

عدد المساهمات : 416
تاريخ التسجيل : 23/09/2009
العمر : 30
الموقع : الله يرحمك يالغالي مثواك الجنه

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف Aseer 3yoonk في الأحد مارس 06, 2011 7:48 am

Shocked Shocked شيطووووونه شسوييتي باحاااسسييسي
<< يا ابو احاسيس
حرااااام ليه النهايه فيها حزن Sad
هيفااء اكثر وحده حبيتها وكسرت خاطري يوم ماتت

تسللم يدج شيطونه ننتظر يدييدج
avatar
Aseer 3yoonk

عدد المساهمات : 483
تاريخ التسجيل : 05/01/2011

الرجوع الى أعلى الصفحة اذهب الى الأسفل

رد: رواية روحي تحبك ,,رواية بويات

مُساهمة من طرف shy6o0ona في الأحد مارس 06, 2011 10:13 pm

تسلموون على راسي كلكم :**
والله بنسبه ان الروايه اليديده اهوا في مشروع بس متى مادري كوز انا شوي مشغوله الحين :**
avatar
shy6o0ona

عدد المساهمات : 250
تاريخ التسجيل : 28/12/2010

الرجوع الى أعلى الصفحة اذهب الى الأسفل

صفحة 5 من اصل 5 الصفحة السابقة  1, 2, 3, 4, 5

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى