قصة بويات كويتيات رووووعه

استعرض الموضوع السابق استعرض الموضوع التالي اذهب الى الأسفل

قصة بويات كويتيات رووووعه

مُساهمة من طرف MaNicH في الثلاثاء نوفمبر 30, 2010 4:17 am

هاااي شلونكم انا الصراحه قريت القصه في احد المنتديات وعجبتني وحبيت انقلها لكم

وهاذا البارت الاول اذا شفت في تفاعل بحط البارتات


الفصل الأول ((الشلة))

وقفت جدام المنظرة تظبط اللوك... عدلت الكاب...الساعة....رشتين جاكوار...كل شي تمام... الجينز لو ويست عليه حزام جلد عريض... مع تي شيرت أخضر... حطت البوك في جيبها الي ورا ... خذت تلفونها n93 و طلعت من الغرفة... نزلت على الدرج...((هوب – هوب – هوب - )) كانت تنافس إخوانها فيصل و خالد في الدفاشة حتى في نزلة الدرج...اسمها دلال .. بس دايما كانت تحب انه ينادونها باسم طلال... مثل ما توقعتوا...كانت بوية...
كان السايق ينتظرها برع...في لاند كروزر سوده... فتحت الباب و ركبت يمه...اي لا تستغربون مهما البنات الي يركبون ورا صح؟؟
ما كان في داعي يسالها السايق وين بتروح...لانه كان عارف انها بتروح الستي سنتر...اهيه و ربعها كانو كل ويك اند يتلاقون هناك... وصلها السايق...نزلت...دخلت المجمع... ركبت الدرج الكهربائي.... ((طير الحمامي .. هيج غرامي.. هايم.......)) رن التلفون...يا ترى رنة منو؟؟؟...((ألو .. هلا حياتي..لا أكاني وصلت...ثواني بس..)) وصلت للكوفي شوب الي متواعدين فيه...
حنين : طلول ساعة ننطرك!!!
ورد: طولتي عاد!!
وله : يه شفيكم كلتوها..حياج حبي قعدي!!!)<<<<<حبها؟!؟!؟!؟!؟ ويييييييع!!! ادري الموضوع مقرف....و في اشياء مقرفة أكثر!!!! سوري اذا لوعت جبدكم خخخخ بس ترا هذا الواقع!!!)
دلال: مشكورة الغلا..الحمد لله و الشكر شفيكم كلتوني؟؟ و انت حمود و يا ويهك ساعة؟؟؟ انت كله تحلطم!!!مو جذي فهد!!!
فجر(فهد): خلاص المهم انك ييت طلول... ها شتشربون؟؟
دلال: لحظة.. لحظة.. وين ريم؟؟
فجر: انسيها .. زعلانة!!
دلال: افا فهود شله مزعلها بعد..حشا ما مداك تراظيها الأسبوع الي فات!!! يبه عاد مشي السالفة!!
فجر: شامشي فيها...ذبحتني!! حشا تغير علي من الهوا الي اتنفسه!!!<<<<<< (تغير عليها؟!؟!؟! وييييييييع!!!)
وله : الغيرة دليل المحبة!!
فجر: اي عاد بس مو جذي!!! بليييز خلاص صكوا على السالفة!!! !!!<<<<<< (خل يحلفون!!!)
دلال: على راحتك!! ها شتشربون؟
ورد: انا ابي كبتشينو!
وله: انا قهوة بدون سكر...حق الرجيم!
دلال: أي رجيم؟؟ إذا سويتي رجيم بعد بتختفين الحب!!
وله: ها تطنزين؟!
دلال: لا حشا..بس انا خايفة عليج!!!
وله: عبالي!!
دلال:ههههههه
حنين: انا بطلب اسبرسو..و انت فهد شتامر عليه؟؟
فجر: نفسك!!
حنين: يلا أنا الي بطلب لكم!!
دلال: وايد مصدق عمرك!! كانه الي بتسوي أكثر من انك تنادي الهندي و تقوله الاوردر..مسوي روحك جنتلمان؟؟!!
حنين: مالت عليك زين.. و خلك مثقف شوي...ما يسمونه هندي!!!
دلال: انته المثقف حمود؟؟!!
فجر: اوهو سندرتونه انتو!!!
دلال: لا كل شي ولا فهود يعصب...بالعدال يبه هدي أعصابك!!!
حنين: شباب شرايكم نروح سينما؟؟
ورد: ايييييييه في فلم يديد توه نازل...كل البنات يتكلمون عنه..خل نجوفه!!!
وله: اي امبله!
فجر: لا انا كلش مو خلق سينما شباب..خلوها مرة ثانية!!
وله: خاطري أجوف الفلم!!
دلال: افا معقولة الحب خاطرهم في شي و ما يحصلونه؟؟ باجر نيي انا و انتي و نجوف الفلم.. ؟؟
وله: ايه عليج!
فجر: وين بتعشون شباب بموت من اليوع انا؟
حنين: سمله عليك فهود..أمري انتي بس وين تبين؟؟
فجر: في مطعم ايطالي يديد توه فاتح..خل نجربه!!
وله: مالت عليكم لاني اسوي رجيم!!!
دلال: عشوة وحدة ما بتخرب الرجيم!!!
وله: ما ابي!!
دلال: و اذا قلتلج عشان خاطري!؟!
وله: وااي منج...تعرفيني ما اقدر على هذي الكلمة!!! خلاص ايطالي ... ايطالي!!!

************************************************** **************************************
ودام الشلة يتعشون... خلوني أوصف لكم أشكالهم شويي...دلال...17 سنة و نص ...شعرها اسود قصير..دايما سبايكي.....بيضة شوي..عيونها سودة وواسعة..و عليها نظرات..تحطيم..حتى ربعها يسمونها..((الاخ بو نظرات )) أو ((بو نظرات خطيرة)) تحب جميع أنواع الرياضة و تلعب سلة.. سبورتيه و قوية... فجر 18 سنة ... سمرة شوي.... شعرها بني غامج.. وايد قصير...... عيونها بنية على عسلية ... صايرة نوع الناعسة شوي...نظراتها خبيثة و فوكسي...و هي كابتن فريق السلة...تعشق الرياضة و جسمها رياضي...وعندها عضلات..تخرع!!! حنين... 17 سنة وجم شهر .. أقصر من فجر و دلال... شعرها بني فاتح .. قصير و ناعم.. ((يشبه شعر شجون في عديل الروح)) خخخ...عيونها بنية...حنين بعد تحب الرياضة... و تلعب في فريق السلة...وله 16 سنة...بيضة و شعرها اسود..طويل لي نص ظهرها...عيونها سود...طويلة ..أقصر من دلال بشوي... رقة ودلع...بمعنى آخر..(بنوتة!)) و آخر شي... ورد...17 سنة... ورد شعرها لي جتفها..بني فاتح ((ترا صابغته مو طبيعي..خخخ)) سمرة شوي...حنطاوية يعني... عيونها بنية غامجة... طول حنين... وهذي الشلة ربع من زمان..حنين وورد و دلال وفجر من الابتدائية و تعرفوا على وله بالمتوسطة... وراحو ويا بعض للثانوية.....

************************************************** **************************************

تعشو شلتنا...خذولهم فرتين في المجمع...و الساعة 11 و نص تقريبا رجعو بيوتهم...دخلت دلال دارها..رمت روحها على السرير تفكر في الدنيا..في الي قاعد يصير..((شهالأفكار السودة!؟!)) قامت بسرعة بدلت ثيابها..لبست بجامه..يا زعم .. بس في الواقع كانت عبارة عن توب حفرة و بوكسر!!!!!اي لا تستغربون!!!
قعدت على الكمبيوتر شوي(( افا الحب ليحين أوي!! صج ملل .. خل أجوف المنتدى شعندهم!!)) و الساعة 1 و نص تقريبا حست بصداع في راسها..((خل أقوم أنام أحسن لي!!)) انبطحت على سريرها و تلحفت..توها بتسكر عينها إلا مرة وحدة.....
(طق- طق- طق)
دلال: منو؟
؟؟ : انا خالد..
دلال: حياك اخوي..دش!
خالد: ليحين قاعدة؟
دلال: توني كنت بانام!
خالد: دلول أمي سافرت..راحت دبي!
دلال: هه...عادي و شنو اليديد في الموضوع؟!؟
خالد: الصراحة دلول انا وايد متضايق!!
دلال: من شنو؟
خالد: يعني دلول عاجبج الوضع في بيتنا؟؟ حشا مو بيت هذا فندق!!!
دلال: يا معود..خلود صارلك عشرين سنة عايش في البيت ليحين ما تعودت؟؟؟
خالد: اي .. بس..خلاص ولا شي.. تصبحين على خير..
دلال: وانت من أهله.. و خلود يا اخوي لا تعور قلبك!! يبه تأقلم و عيش حياتك..
خالد: ان شاء الله...

خالد طلع من غرفة دلال...دلال نامت... و دام اهيه نايمة خلوني أكلمكم عنها شوي...عنها و عن عايلتها.. دلال أصغر وحدة في أخوانها..قبلها صبيين..خالد و فيصل..فيصل أكبر واحد...عمره اربع و عشرين سنة...يدرس كمبيوتر ساينس.. آخر سنة له و ان شاء الله يتخرج...انسان متهور و جرئ..عنيد ولا أحد يقول له لاء...بس ترا اهو قلبه ابيض و طيب...فيصل طويل..و جسمه رياضي...شعره أسود..غزير..و الزلف طويل...شوي ابيض..عيونه سوده.. عنده قفل على شنب خفيف... وايد وسيم...و الشبه بينه و بين دلال واضح...
خالد..الوسطي...واحد و عشرين سنة...يدرس بزنس..يعشق الموسيقى و الشعر...يألف أغاني و يلحنها على الجيتار...و صوته بعد وايد حلو...انسان حساس و رومانسي... و أكثر واحد متأثر من الوضع في بيتهم...اهو بعد شعره اسود و غزير و عيونه سودة... عنده قفل بدون شنب... أقصر من فيصل.. و بعد جسمه رياضي... في ملامح الويه...ما في وايد شبه بينه و بين دلال و فيصل...
الاب..ناصر..رجل أعمال كبير...حياته كلها اجتماعات و بزنس ... و كله مسافر...ولا يدري شي عن عياله.. بس يترس لهم حساباتهم في البنك فلوس... و لا يدري شلون يصرفونها....
و الام...حياة...كله هايته في العروس...و السفرات الي ما تخلص...لبنان حق عمليات التجميل..دبي معارض المجوهرات .. فرنسا و لندن ثياب صيف ما ادري ثياب شتا... و جان عندها عيال ما تدري... و كل الي فالحة فيه تترس لها شنطتين ثلاث هدايا حق العيال..كانه هذا هو الي محتاجينه...و الديرة ما فيها عطورات و لا ثياب!!!
************************************************** **************************

الفصل الثاني ((كل شي يتلخبط))

في ذي الفصل.. راح يصير شي ممكن يغير حياة بعض الناس للأبد!!! خلونا نجوف..

الساعة 12 الظهر..قامت دلال من النوم على صوت تلفونها..((ولييييه ! مسج هالحزة؟ من ذي المتفرغ؟!)) فتحت دلال المسج..((أفا! الحب! خخخ ايه عليج وله! شنو؟ صباح الخير و الورد..يا حبي للأبد..أيه عليج .. فديتج والله!!))
قامت دلال من سريرها ووقفت على الدريشة..شافت أخوها فيصل ينزل من سيارته _همر صفرة!_ بس شكله كان كلش مو طبيعي.. ((أمبي هذي فيصل؟؟ من وين ياي هالحزة؟؟ و شفيه جذيه شكله مو طبيعي؟؟))
طلعت دلال بسرعة من الحجرة و راحت حق فيصل..تلاقت معاه على الدري...
دلال: فيصل! خير إن شاء الله؟
فيصل: ها؟ شنو؟
دلال: من وين ياي؟
فيصل: لا..بس أمس كنت بالشاليه..و تأخر الوقت..فنمت هناك...
دلال: ريحة شنو هذي؟
فيصل: شنو ؟ ما أشم شي؟
دلال: من صجك؟! في ريحة إمبلا!!
فيصل: مـ..ما أدري!! ((و راح بسرعة لغرفته!!))
هني خالد طلع من غرفته.. و شاف دلال واقفة على الدري...و سرحانة شوي...
خالد: صباح الخير يا أختي العزيزة!!!
دلال:............(سييييييييين!)
خالد: قلنا صباح الخير!!
دلال: خلود فارج..كلش مو خلقك!!
خالد: أفا..شله الحلوين زعلانين من صباح الله خير؟؟؟
دلال: خلود ترا ملاقتك تخطت الحدود!!
خالد: يه شفيج عصبتي؟!!! بو انا ما أدري شمرظعينج وانتي ياهل..فلفل؟؟؟
دلال: و بعدين معاك أنت؟؟!!!!
خالد: بو هذوله من صجهم معصبين؟؟؟ خير دلول شصاير ؟ ترا أنا قمت أحاتي!!!
دلال: فيصل يا خالد..فيصل!!!
خالد: شفيه تحجي؟؟!!
دلال: ما أدري..أمس طلع و توه راجع و شكله مو عاجبني...كلش مو طبيعي!!!
خالد: شلون يعني؟؟
دلال: ما أدري خلود..كأنه مريض!!!
خالد: شنو؟!؟ يا معودة خل نروح جوفه!!!
دلال: أي خلود تكفه!!!

دلال و فيصل و خالد...دايما قلوبهم على بعض..يمكن بسبب الظروف الي عايشينها بالبيت..خلتهم يحسون انهم لبعض ... و ما يقدرون يعيشون من دون بعض... يعني أمهم و أبوهم لو يسافرون أسابيع كلش عادي.. بس اذا واحد منهم سافر ... يظلون متلخبطين.. و مو قادرين يعيشون من غيره... يعني بمعنى آخر علاقتهم ببعض..عوضت –نوعا ما- الحرمان من حنان الام و الاب الي حاسينه....

و راحت دلال مع خالد لغرفة فيصل... طقو الباب و دخلو .. فيصل ما كان في الغرفة.. بس صوته في الحمام..خالد طبعا ما فيه صبر..فطق الباب عليه...
فيصل:ها؟!؟!... لحظة..لحظة..دقايق و أطلع!!!يه شفيك؟!؟!؟!



يلا ابي ردودكم الحلوه
واكمممممـــل
avatar
MaNicH

عدد المساهمات : 289
تاريخ التسجيل : 16/06/2009
الموقع : booyah AlZ3eeem يوسف

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف Admin في الثلاثاء نوفمبر 30, 2010 5:02 am

شكرا على المجهود بس هالقصة نازله قبل من احد الاعضاء عندنا بنفس المنتدى !!!

وهذي ثاني مرة تحصل بالمنتدى والدليل عدم قراءة الاعضاء لبعض مواضيع الاعضاء الاخرين .

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف MaNicH في الثلاثاء نوفمبر 30, 2010 7:12 pm

Admin كتب:شكرا على المجهود بس هالقصة نازله قبل من احد الاعضاء عندنا بنفس المنتدى !!!

وهذي ثاني مرة تحصل بالمنتدى والدليل عدم قراءة الاعضاء لبعض مواضيع الاعضاء الاخرين .


ؤلكم ادمن ,,,,
avatar
MaNicH

عدد المساهمات : 289
تاريخ التسجيل : 16/06/2009
الموقع : booyah AlZ3eeem يوسف

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف Beesho0o في الثلاثاء نوفمبر 30, 2010 8:11 pm

طانكيو ياللووووووز بس انا قاريتها يعطيك العافيه
avatar
Beesho0o

عدد المساهمات : 818
تاريخ التسجيل : 19/07/2010
الموقع : الكويت

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف راقص القبور في الثلاثاء نوفمبر 30, 2010 9:43 pm

اي نزلها العضو السابق طلال عالعموم يعطيك العافية مانيش
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف ???? في الأربعاء ديسمبر 01, 2010 2:00 am

انا مااذكر ان نزل من قبل مممممممممممممم يجوز scratch صايره نسايه حنون يسلمو على المجهود ..

????
زائر


الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف ???? في الأربعاء ديسمبر 01, 2010 5:08 am

عادي منوش اكيد كنت بغيبوبه وتوك صحيت لوووووووووووووووووووول
الحمدلله ع السلامه

????
زائر


الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف ???? في الخميس ديسمبر 02, 2010 12:47 am

غيبوبه نسيان شيري قصدج ..

????
زائر


الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف ???? في الخميس ديسمبر 02, 2010 3:42 am

حنون ايييييييييييييييييييييييي وانتي الصاجه بس ماقول الا الله يثبت فيه وماينسى اسمه

????
زائر


الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف Admin في الخميس ديسمبر 02, 2010 5:57 am

صح راقص يا ابني الشاطر

طلال كان صاحب الموضوع

بس ما حبيت اذكر اسمه

وحنان سوي ريستارت لمخج


او الاحسن فورمات


ترى اتغشمر

_________________
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

ليس ذنبي أن العقول صغيره أمآم فهمي
وليس ذنبهم/ أن فهمي صعب .. !

كل مآادركه أن لي قنآعآت لا تقبل القسمهعلى 2
ليس للأفضل وليس للأسوء
ولكني أختلف
avatar
Admin
Admin

عدد المساهمات : 789
تاريخ التسجيل : 15/06/2009
العمر : 44
الموقع : مملكة البحرين

http://boya.to-relax.net

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف na9oor في الجمعة ديسمبر 10, 2010 11:10 pm

شنووووو يوم قراتها وتحمست ما راح تكمل
:s
ليش ليش يعني أنا ما قراتها من قبل أبي أكمل « خخ عصب

ع العمووم تسلم الغلا ع القصه النايس إلي ما راح تتكمل :s
avatar
na9oor

عدد المساهمات : 310
تاريخ التسجيل : 08/12/2010
الموقع : in life =D

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف راقص القبور في السبت ديسمبر 11, 2010 4:47 am

نصور القصة كاملة موجودة بنفس العنوان من طرف العضو السابق tala اللي اسمه طلال لكن كتب نكه بطريقة خاطئة
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف na9oor في السبت ديسمبر 11, 2010 8:46 pm

تسلم أخوي راقص القبوور
أحاول أحصلها
avatar
na9oor

عدد المساهمات : 310
تاريخ التسجيل : 08/12/2010
الموقع : in life =D

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف راقص القبور في الأحد ديسمبر 12, 2010 4:19 am

يسلم غاليك ومغليك ولو احنا بخدمة المنتدى واي شي تحتاجه الكل موجود
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: قصة بويات كويتيات رووووعه

مُساهمة من طرف ???? في الأحد ديسمبر 12, 2010 4:56 am

اي يوسف ذكرتني بطلال البحريني والله نسيت هالريـال . drunken

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى