كل شيئ عن القيتار

استعرض الموضوع السابق استعرض الموضوع التالي اذهب الى الأسفل

كل شيئ عن القيتار

مُساهمة من طرف راقص القبور في الثلاثاء أكتوبر 19, 2010 6:47 am

السلام عليكم أدري بطيت مخوخكم كل شوي شاقح لكم بموضوع بس أنا وعدت دودو أحط موضوع عن القيتارات من زمان والحين وفيت بوعدي و سوري عالتأخير خيو Smile
بنتكلم عن كل شي يخص القيتارات بسم الله الرحمن الرحيم نبتدي << شنو صاير مطوع؟




الكلاسيك قيتار
يتكون من 6 اوتار الثلاثة إللي فوق متينة وتكون من الفولاذ والثلاثة إللي تحت مصنوعه من نايلون ذراعه عريضة وتسمح للشخص بأن يلعب فيه أغاني السولو أو الأغاني الهادية طريقة العزف فيه تكون بوجود البيك أو بدون بيك والبيك نقصد فيها الريشة ونقدر نعزف فيه بدون بيك يعني بالأصابع وهني يطلع الصوت أحلى وأنقى و أقوى وغالبيا يفضلونه العرب مصنوع من الخشب وله عدة ألوان وطبعا هذا أفضل نوع عشان الواحد يقدر يتعلم عليه.









اكوستيك قيتار
يتكون من 6 أوتار كلها فولاذ وطبعا طريقة العزف فيه مثل الكلاسيك ومافي إختلافات وايد بس إختلافات مصنعية. الأوتار مثبته ببسامير بلاستيكية والشكل يختلف شوية عن الكلاسيك يتراوح سعره مابين 30 إلى 70 دينار كويتي حاله حال الكلاسيك قيتار وطبعا كل ما زاد السعر زادت جودة القيتار مو مهم شكل القيتار أو لونه المهم الاوتار والذراع تكون مستقيمة مو فيها إعوجاج حتى لو كان بسيط لأنه يأثر وايد على نقاوة الصوت.








القيتار الكهربائي ( آآآآآآآآآآخ يا قلبي عليه )
أوتاره كلها من الفولاذ وله عدد أوتار على حسب مهارة العازف في قيتارات تتكون من 6 أوتار وفي 7 وفي 8 وفي حتى 9 يتم العزف فيه عن طريق البيك وبس يعني بالأصابع ما يمشي الحال له ماركات وايد لكن أفضلها ماركة ياماها طبعا كلنا عارفينها وفي ماراكات ايطالية وألمانية و أسبانية وايد زينة وما أنصحكم بشراء الصيني إللي تارس السوق وإللي يسمونه قيتار المبتدئين لا تشترونه أبد لأن صوته مو زين و أورتاره ضعيفة حيل و لو شنو الواحد ما يقدر يتعلم عليه. سعر القيتار الصيني يتراوح من 50 إلى 60 دينار كويتي أما إللي يكون ماركة زينة تبتدي أسعاره من 90 دينار إلى 700 دينار كويتي وطبعا بالدول الثانية لو حاب يصنعون لك واحد مخصوص يصير وأي محل يقدر يصنعه لك لكن هني طبعا صعبة حيل. القيتار الإكتروني مصنوع طبعا من الخشب حاله حال أي قيتار لكن منحوت عدل ومصبوغ بلون جذاب بعدها يلمعونه عشان الشكل يكون حلو, داخله بيكون أوزان مرنة تتحرك بسهولة كل ما حركت الوتر عشان يطلع الصوت وطبعا لازم معاه يكون مكبر صوت وكيبل عشان يطلع الصوت واضح و قوي وما راح يشتغل إلا اذا شغلته عالكهربا وغير جذي إنسى يشتغل ولما تشغله عالكهربا تسمى هالوضعية كلين يعني الصوت مافيه مؤثرات نقي و واضح أما إذا حطيت ديستورشن بيعطيك نغمة الهارد روك .







البيز قيتار ( قيتاري المفضل )
البيز قيتار يتكون من أربع اوتار مصنوعه من الفولاذ المتين جدا ما يستغني عنه أي مغني روك أو أي فرقة روك ولازم يصاحب الدرامز بالدقة و مو ضروري تعزف فيه فالبيك أهو مصنوع عشان الواحد يعزف فيه بالاصابع والايد يعني شغل رقع وكفخ وعادة يكون اكبر من القيتار العادي ويتراوح سعره من 100 دينار إلى 1000 دينار كويتي وطبعا هالنوع أغلى شوية من القيتار الإكتروني العادي.






في وايد أماكن تبيع القيتارات مثل عندنا الشركة الدولية بحولي وفي شركة اليوسفي وأسعارهم وايد زينة.
لازم تغير الأوتار كل 3 أو 4 شهور لأنها تصير ضعيفة إذا تعزف فيه دايم ويمكن تنقطع بوقت بايخ , أول ما تشتري القيتار راح تلاحظ صوته مش ولابد هذا بيكون شي طبيعي طبعا بعد ما عدلت أوتاره مع كثر التمرين راح يصير صوته أحلى وتتمدد أوتاره مع الوقت وكثرة العزف إذا مو متعود عالعزف عالقيتار الكهربائي بتحس بإن أصابعك تعورك فالبداية وخصوصا أصابع إيدك اليسار إذا كنت مو عسماوي ولا تحط القيتار بالوضع المسدوح <<< ياعيني عالتشبيه ,, يعني إذا خلصت منه حطه بالوضع العامودي ولا تعرضه لحرارة مرتفعه أو تحذفه بالشمس يحتاج اهتمام وتلميع مستمر وعناية خاصة. البيك مرات تكون لينة أو يابسة على حسب طلبك وفي بعد قيتار بيدالس يعني الدواسة وهذي تكون للقيتار الكهربائي والبيز وبس وهذي مهمتها تعطي صوت متأرجح
بنهاية حديثي أتمنى أكون كفيت و وفيت بالموضوع وأي شي تحتاجونه أنا حاضر.





صور الجيتارات



اكوستيك قيتار


[ندعوك للتسجيل في المنتدى أو التعريف بنفسك لمعاينة هذه الصورة]




كلاسيك قيتار


[ندعوك للتسجيل في المنتدى أو التعريف بنفسك لمعاينة هذه الصورة]



بيز قيتار

[ندعوك للتسجيل في المنتدى أو التعريف بنفسك لمعاينة هذه الصورة]




القيتار الكهربائي

[ندعوك للتسجيل في المنتدى أو التعريف بنفسك لمعاينة هذه الصورة]
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

رد: كل شيئ عن القيتار

مُساهمة من طرف LoOoTY في الثلاثاء أكتوبر 19, 2010 4:28 pm

وااااااااااااااو جك جك جك جك براااافوووو رقوووص تسلم على الموضوع الفنتاستك الخطـــير Very Happy cheers
avatar
LoOoTY
Super Visor
Super Visor

عدد المساهمات : 1815
تاريخ التسجيل : 02/04/2010

الرجوع الى أعلى الصفحة اذهب الى الأسفل

رد: كل شيئ عن القيتار

مُساهمة من طرف Beesho0o في الثلاثاء أكتوبر 19, 2010 7:31 pm

تسلم ايدك قلب ع الموضوع الفن Very Happy
avatar
Beesho0o

عدد المساهمات : 818
تاريخ التسجيل : 19/07/2010
الموقع : الكويت

الرجوع الى أعلى الصفحة اذهب الى الأسفل

رد: كل شيئ عن القيتار

مُساهمة من طرف YouSiF في الأربعاء أكتوبر 20, 2010 2:19 am

[ندعوك للتسجيل في المنتدى أو التعريف بنفسك لمعاينة هذه الصورة]
avatar
YouSiF

عدد المساهمات : 1157
تاريخ التسجيل : 16/08/2010
العمر : 25
الموقع : q8

الرجوع الى أعلى الصفحة اذهب الى الأسفل

رد: كل شيئ عن القيتار

مُساهمة من طرف q8boya في الأربعاء أكتوبر 20, 2010 3:11 am


ايووووووووووون Twisted Evil

حبيب قلب دودو انت cheers

انا كان عندي الاوكستيك .. بس الحين شكله الاليكتريك .. عاد يويسف كمل جميلك و عطنا جم كووورد نبلش فيهم < مصخهاا Evil or Very Mad

يعطيك الف عاافيه قلب
avatar
q8boya

عدد المساهمات : 301
تاريخ التسجيل : 03/08/2010
العمر : 32
الموقع : kuwait

الرجوع الى أعلى الصفحة اذهب الى الأسفل

رد: كل شيئ عن القيتار

مُساهمة من طرف راقص القبور في الأحد أكتوبر 24, 2010 10:59 pm

حبايبي شاكر لكم عالمرور جميعا
دودو ان شاء الله بس اسوي لابي بحط لك اللي تبيه وبكمله لان النت عندي الحين مو مضبوط وانا داش للمنتدى بطريقة ثانية يعني طريقة لويه
avatar
راقص القبور
Super Visor
Super Visor

عدد المساهمات : 5231
تاريخ التسجيل : 07/01/2010
العمر : 28
الموقع : In A Lie We Call It LOVE

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى